ఆర్యన్ బెయిల్ కోసం సీనియర్ నటి పెద్ద సాహసం

స్నేహానికి మించిన బంధం మరొకటి లేదన్న విషయం మరోసారి నిరూపితమైంది. తాజాగా షారుక్ ఖాన్ కుమారుడు ఆర్యన్ ఖాన్ డ్రగ్స్ కేసులో బెయిల్ కోసం సీనియర్ నటి కమ్ షారుక్ వ్యాపార భాగస్వామి జూహీచావ్లా పెద్ద రిస్కు తీసుకోవటానికి ముందుకు రావటం గమనార్హం. ఆర్యన్ ఖాన్ బెయిల్ రావటం కోసం ఆమె వ్యక్తిగత పూచీకత్తు ఇవ్వటానికి వెనుకాడలేదు. ఇందుకోసం ఆమె ముంబయి సెషన్ కోర్టుకు వెళ్లారు. వ్యక్తిగత పూచీకత్తు ఇవ్వటానికి వెనుకాడలేదు.

ఆర్యన్ బెయిల్ కోసం పూర్తి బాధ్యత వహిస్తూ రూ.లక్ష బాండ్ పేపర్ మీద సంతకం కూడా చేశారు. బాండ్ పేపర్ మీద సంతకం చేసిన తర్వాత ఆమె మీడియాతో మాట్లాడటం తెలిసిందే. ముందు బెయిల్ రావటం ముఖ్యమని.. మరి ఇంకేమి కాదన్నారు. ఆర్యన్ బెయిల్ కోసం వ్యక్తిగత పూచీకత్తు ఇచ్చిన జూహీ.. రిస్కును ఫేస్ చేస్తున్నారని చెప్పాలి. రేపొద్దున ఆర్యన్ ఏదైనా తప్పు చేసినా.. కోర్టుకు విఫలమైనా జూహీనే బాధ్యత వహించాల్సి ఉంటుంది.

షారుక్ కు ఎంతోమంది సన్నిహితులు.. స్నేహితులు.. బంధువులు ఉన్నా..జూహీ చావ్లానే ఈ సాహసం చేయటానికి ముందుకు రావటానికి కారణం ఏమిటంటే.. షారుక్ కు ఆమె వ్యాపార భాగస్వామి. సినిమాలకు సంబంధించి రెడ్ చిల్లీస్ సంస్థకు షారుక్.. జూహ్లీలు వ్యాపార భాగస్వాములు. అంతేకాదు..కోల్ కతా నైట్ రైడర్స్ కు సైతం సహ యజమానిగా వ్యవహరిస్తుంటారని చెబుతారు. షారుక్ తో ఎన్నో సినిమాలు నటించినా.. వారి కుటుంబానికి ప్రత్యేక అనుబంధం జూహీకి ఉంది. ఈ కారణంతోనే ఆమె.. అంత రిస్కు తీసుకున్నారని చెబుతారు.