ఎన్టీఆర్ మూవీలో ఆ హీరోయిన్ ఎవరో?

త్రివిక్రమ్ - ఎన్టీఆర్ కాంబినేషన్ లో సినిమా మొదలవుతోంది. ఈ క్రేజీ కాంబినేషన్ పై ముందునుంచి అంచనాలు ఎక్కువగానే ఉన్నాయి. ఇప్పటికే దాదాపు ప్రీప్రొడక్షన్ పనులు పూర్తయిపోయాయని అంటున్నారు. అయితే.. ఈ సినిమాలో ఆ కీలక పాత్ర ఎవరు పోషిస్తారన్నదే ఇప్పుడు ఆసక్తికరం.

త్రివిక్రమ్ సినిమాల్లో గత తరం హీరోయిన్లను క్యారెక్టర్ ఆర్టిస్టులుగా చూపడం ఆనవాయితీ. అత్తారింటికి దారేది.. అఆ.. చిత్రాల్లో నదియా పోషించిన పాత్రలు అటు సినిమాకు ఇటు ఆమెకు ఎంతగా ప్లస్ అయ్యాయో తెలిసిందే. రీసెంట్ గా అజ్ఞాతవాసి చిత్రంలో ఖుష్బూను ఇలాంటి కీలక పాత్రలోనే చూపాడు త్రివిక్రమ్. ఇప్పుడు ఎన్టీఆర్ మూవీలో కూడా ఇలాంటి ఈ కీరోల్ ఉంటుందట. దీనికి ఎవరిని తీసుకోనున్నారన్నదే ఇప్పుడు ఇంట్రెస్టింగ్ గా మారింది.

ఖుష్బూతో చేసిన మూవీ ఫ్లాప్ అయింది కాబట్టి.. ఆమెను రిపీట్ చేయడం కష్టం. కొత్తదనం కావాలి కాబట్టి.. నదియాను తీసుకోకపోవచ్చని అంటున్నారు. శివగామిగా మెప్పించిన రమ్యకృష్ణ పేరును మాటల మాంత్రికుడు సూచించాడట. కానీ ఆమెతో గతంలో ఐటెం సాంగ్ చేసి ఉండడంతో.. రమ్యకృష్ణ వద్దని తేల్చేశాడట ఎన్టీఆర్. గతంలో టాప్ హీరోయిన్లుగా వెలిగిపోయిన మీనా.. సిమ్రన్.. పేర్లు పరిశీలనలో ఉన్నాయట.

అలాగే లయ.. ఊహ వంటి పేర్లను కూడా పరిశీలిస్తున్నారని అంటున్నారు. అందరూ సూపర్ ట్యాలెంటెడ్. పైగా చాలాకాలంగా సినిమాలు చేయని వారే. అందుకే ఎన్టీఆర్ సినిమాలో ఆ పాత్ర ద్వారా మళ్లీ ఏ సీనియర్ హీరోయిన్ ను త్రివిక్రమ్ లైమ్ లైట్ లోకి తీసుకురానున్నాడో చూడాలి.