నిన్న మ‌హేష్ కోసం.. ఇప్పుడు ఎన్టీఆర్ కోసం!

రాజ‌మౌళి అత్యంత ప్ర‌తిష్టాత్మ‌కంగా తెర‌కెక్కించిన భారీ పాన్ ఇండియా మ‌ల్టీస్టార‌ర్ 'RRR'. ఈ మూవీతో యంగ్ టైగ‌ర్ ఎన్టీఆర్‌, మెగా ప‌వర్ స్టార్ రామ్ చ‌ర‌ణ్ వ‌ర‌ల్డ్ వైడ్ గా భారీ క్రేజ్ ని సొంతం చేసుకున్నారు. 1920 ప్రీ ఇండిపెండెన్స్ ఎరా నేప‌థ్యంలో ఇద్ద‌రు లెజెండ‌రీ ఫ్రీడ‌మ్ ఫైట‌ర్స్ అల్లూరి సీతారామ‌రాజు, కొమురం భీం ల ఫిక్ష‌న‌ల్ స్టోరీగా తెర‌కెక్కిన ఈ మూవీ ప్ర‌పంచ వ్యాప్తంగా ప్రేక్ష‌కుల నీరాజ‌నాలందుకుంది. రికార్డు స్థాయి వ‌సూళ్ల‌ని రాబ‌ట్టి స‌రికొత్త సంచ‌ల‌నాలు సృష్టించింది.

అయితే ఈ మూవీ త‌రువాత మెగా ప‌వ‌ర్ స్టార్ రామ్ చ‌ర‌ణ్ కొత్త ప్రాజెక్ట్ ని క్రేజీ డైరెక్ట‌ర్ శంక‌ర్ తో ప్రారంభించేస్తే.. యంగ్ టైగ‌ర్ ఎన్టీఆర్ మాత్రం ఇప్ప‌టికీ త‌న కొత్త ప్రాజెక్ట్ ని ప‌ట్టాలెక్కించ‌లేక‌పోయాడు. 'RRR' త‌రువాత యంగ్ టైగ‌ర్ ఎన్టీఆర్ స్టార్ డైరెక్ట‌ర్ కొర‌టాల శివ డైరెక్ష‌న్ లో త‌న 30వ ప్రాజెక్ట్ ని అత్యంత భారీ స్థాయిలో చేయ‌బోతున్న విష‌యం తెలిసిందే. ఇప్ప‌టికే ఈ ప్రాజెక్ట్ ప్ర‌క‌టించి నెల‌లు కావ‌స్తున్న ఇప్ప‌టికీ సెట్స్ పైకి వెళ్ల‌డం లేదు.

ఎన్టీఆర్ ఆర్ట్స్ నంద‌మూరి క‌ల్యాణ్ రామ్ స‌మ‌ర్ప‌ణ‌లో యువ‌ సుధా ఆర్ట్స్ బ్యాన‌ర్ పై ఈ మూవీని మిక్కినేని సుధాక‌ర్ నిర్మించ‌బోతున్నారు. #NTR30 అనే వ‌ర్కింగ్ టైటిలో తో సెట్స్ పైకి రానున్న ఈ మూవీకి సంబంధించిన డైలాగ్‌ మోష‌న్ పోస్ట‌ర్ ని ఎన్టీఆర్ పుట్టిన రోజైన మే 20ర విడుద‌ల చేశారు. అప్ప‌టి నుంచి ఈ ప్రాజెక్ట్ కి సంబంధించిన ఎలాంటి అప్ డేట్ లేదు. అయితే తాజాగా ఈ మూవీకి సంబంధించిన ఆస‌క్తిక‌ర‌మైన వార్త ఒక‌టి తాజాగా బ‌య‌టికి వ‌చ్చింది.

హైవోల్టేజ్ యాక్ష‌న్ ఎంట‌ర్ టైన‌ర్ గా తెర‌కెక్క‌నున్న ఈ మూవీలో ఎన్టీఆర్ పాత్ర ప‌వ‌ర్ ఫుల్ గా వుంటుంద‌ని డైలాగ్ మోష‌న్ పోస్ట‌ర్ తో క్లారిటీ వ‌చ్చేసింది. అయితే ఎన్టీఆర్ తో పాటు ఇందులో మ‌రో ప‌వ‌ర్ ఫుల్ పాత్ర కూడా వుంద‌ట‌.

ఆ పాత్ర కోసం లేడీ సూప‌ర్ స్టార్.. సీనియ‌ర్ హీరోయిన్‌ రాముల‌మ్మ విజ‌య‌శాంతి న‌టించ‌నుంద‌ని తెలిసింది. సినిమాలో ఎన్టీఆర్ పాత్రకు ఓ ప‌వ‌ర్ ఫుల్ అత్త పాత్ర వుంటుంద‌ట‌. ఆ పాత్ర కోసం విజ‌య‌శాంతిని ఎంపిక చేసుకున్నార‌ని వార్త‌లు వినిపిస్తున్నాయి.

ఇంట‌ర్వెల్ బ్యాంగ్ లో ఈ పాత్ర‌కు సంబంధించిన ట్విస్ట్ వుంటుంద‌ని, ఇది సినిమాకు హైలైట్ గా నిలుస్తుంద‌ని చెబుతున్నారు. 14 ఏళ్ల విరామం త‌రువాత మ‌హేష్ న‌టించిన 'స‌రిలేరు నీకెవ్వ‌రు' మూవీతో మ‌ళ్లీ రీఎంట్రీ ఇచ్చిన రాముల‌మ్మ మ‌రో సారి ఎన్టీఆర్ కోసం కెమెరా ముందుకు రానుంద‌ని వార్త‌లు వినిపిస్తుండ‌టంతో #NTR30 పై భారీ అంచ‌నాలు మొద‌ల‌య్యాయి. ఇదిలా వుంటే ఈ మూవీ వ‌చ్చే నెలైనా ప‌ట్టాలెక్కుతుందా అని ఎన్టీఆర్ ఫ్యాన్స్ ఆశ‌గా ఎదురుచూస్తున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.