దీపికతో హ్యాట్రిక్ కొట్టేందుకు షారుఖ్ ప్లాన్

బాలీవుడ్ బాద్ షాగా పేరొందిన షారుఖ్ ఖాన్ కొన్ని సంవత్సరాలు హిట్స్ లేక దాదాపు కనుమరుగైపోయాడు. నాలుగైదు సంవత్సరాలుగా వరుసగా ఆయన సినిమాలు ఫ్లాప్ అవుతూ అధ: పాతాళానికి పడిపోతున్నాడు. దీంతో షారుఖ్ ఖాన్ మేకప్ వేసుకోకుండా ఇంటికే పరిమితమయ్యాడు.

అయితే ఎలాగైనా సరే సక్సెస్ బాట పట్టుకోవడానికి ప్రస్తుతం దీపిక పదుకొణేతో కలిసి పఠాన్ చిత్రంలో షారుఖ్ నటిస్తున్నాడు. ఈ సినిమాకు సంబంధించిన విశేషాలు అభిమానులను, సినీ ప్రేక్షకులను ఆశ్చర్యానికి గురిచేస్తున్నాయి.

దిల్ వాలే మూవీ తర్వాత అసలు షారుఖ్ ఖాన్ కు హిట్ లేదు. 2018 నుంచి అన్నీ ఫ్లాపులే.. ప్రస్తుతం నిర్మాత ఆదిత్య చోప్రా, దర్శకుడు సిద్ధార్థ్ ఆనంద్ రూపొందిస్తున్న ‘పఠాన్’ చిత్రంపైనే షారుఖ్ ఖాన్ భారీ ఆశలు పెంచుకున్నాడు. అలాగే తమిళ దర్శకుడు అట్లీతో సంకి అనే చిత్రంలో నటిస్తూ పూర్వవైభవాన్ని అందుకోవాలని ప్రయత్నిస్తున్నాడు. సుమారు 300 కోట్లతో రూపొందుతున్న పఠాన్ చిత్రం 2022లో ప్రేక్షకుల ముందుకు రానుంది.

ఇక ‘పఠాన్’లో దీపిక పదుకొణే హీరోయిన్. వీరిద్దరి కాంబినేషన్ లో వస్తున్న హ్యాట్రిక్ చిత్రం ఇదీ.. ‘చెన్నై ఎక్స్ ప్రెస్’, హ్యాపీ న్యూ ఇయర్ చిత్రాల్లో నటించి వరుస హిట్స్ కొట్టాడు షారుఖ్. పఠాన్ చిత్రం ప్రస్తుతం ‘స్పెయిన్ ’లోని అందమైన లోకేషన్లలో షూటింగ్ జరుపుకుంటోంది. తప్పకుండా ఈ సినిమా హిట్ అవుతుందన్న భరోసాతో షారుఖ్ ఉన్నాడు. స్పై, యాక్షన్ నేపథ్యంలో తెరకెక్కుతున్న పఠాన్ చిత్రం భారతీయ సినిమా రంగంలో సరికొత్త చరిత్రను సృష్టిస్తుందన్న భరోసాతో షారుఖ్ ఖాన్ ఉన్నాడట..