మ‌రోసారి `డీడీఎల్` కాంబో రిపీట్?

బాలీవుడ్ లో `దిల్ వాలే దుల్హ‌నియా లేజాయేంగే` చిత్రం ఎంత పెద్ద బ్లాక్ బ‌స్ట‌ర్ హిట్ అయిందో తెలిసిందే. ముంబైలోని మ‌రాఠా మందిర్ లో ఆ సినిమా ఏకంగా 20 ఏళ్ల‌పాటు ప్ర‌ద‌ర్శించారు. ఆ సినిమాలో లీడ్ రోల్స్ పోషించిన షారుక్ ఖాన్ - కాజోల్ ల జోడీ ఎంత పాపుల‌ర్ అయిందో ప్ర‌త్యేకంగా చెప్ప‌న‌క్క‌ర లేదు. బాలీవుడ్ లోని హిట్ ల‌వ్ పెయిర్ లో ఒక‌రైన షారుక్-కాజ‌ల్ లు ఆ త‌ర్వాత కూడా కొన్ని సినిమాల్లో న‌టించారు. అయితే, కాజ‌ల్ కు పెళ్ల‌యిన త‌ర్వాత వీరిద్ద‌రి కాంబోలో మై నేమ్ ఈజ్ ఖాన్ - దిల్ వాలే వంటి బ్లాక్ బ‌స్ట‌ర్ హిట్ లు వ‌చ్చాయి. అయితే, తాజాగా ఈ హిట్ పెయిర్ మ‌రోసారి సిల్వ‌ర్ స్క్రీన్ షేర్ చేసుకోబోతున్నార‌ని తెలుస్తోంది. ప్ర‌ముఖ‌ దర్శక-నిర్మాత కరణ్ జోహార్ ద‌ర్శ‌క‌త్వంలో ఆ సినిమా తెర‌కెక్క‌బోతున్న‌ట్లు పుకార్లు వ‌స్తున్నాయి.

షారూక్-కాజోల్ ల కాంబోలో మూడేళ్ల క్రితం విడుదలైన `దిల్ వాలే` హిట్ అయింది. ఆ త‌ర్వాత వీరిద్దరి కాంబోలో మ‌రో చిత్రం రాలేదు. అయితే, తాజాగా ఓ హాలీవుడ్ మూవీ రీమేక్ లో ఈ హిట్ పెయిర్ న‌టించ‌బోతున్న‌ట్లు తెలుస్తోంది. క‌ర‌ణ్ జొహ‌ర్ ఆ సినిమాను రీమేక్ చేయ‌బోతున్నార‌ట‌. అయితే, ఈ చిత్రం ప‌ట్టాలెక్కాలంటే ....కాజోల్ , క‌ర‌ణ్ లు కాంప్ర‌మైజ్ కావాల్సిన ప‌రిస్థితి ఉంద‌ట‌. గ‌తంలో కాజోల్-కరణ్ ల మధ్య చెల‌రేగిన వివాదం నేప‌థ్యంలో ఈ ఇద్ద‌రు క‌లిసి పనిచేస్తారా...లేదా...అన్న‌ది మిలియ‌న్ డాల‌ర్ల ప్ర‌శ్న. అయితే, ఈ ఇద్ద‌రూ క‌లిసి ఓ పార్టీలో మాట్లాడుకున్నార‌ని, పాత గొడ‌వ‌లు మ‌రచిపోయార‌ని టాక్ ఉంది. వారిద్ద‌రి మధ్య అభిప్రాయబేధాలు లేవ‌ని, ఈ క్రేజీ కాంబోలో ఆ రీమేక్ రావ‌డం ఖాయ‌మ‌ని బాలీవుడ్ టాక్. మ‌రి, ఈ అనుమానాల‌కు తెర‌ప‌డాలంటే ఆ చిత్రం గురించి అధికారిక ప్ర‌క‌ట‌న వెలువ‌డే వ‌ర‌కు వేచి చూడ‌క త‌ప్ప‌దు.