కింగ్ ఖాన్ చేతికి యాపిల్

బ్రాండ్ అండార్స్ మెంట్ లో బాలీవుడ్ స్టార్ హీరో షారూక్ ఖాన్ ఎంత యాక్టివ్ అనే విషయం చెప్పాల్సిన పని లేదు. పదుల కొద్దీ బ్రాండ్స్ షారూక్ చేతిలో ఉన్నాయి. ఇప్పుడు ప్రపంచ ప్రఖ్యాత సంస్థ అయిన యాపిల్ కంపెనీ.. కింగ్ ఖాన్ తో జట్టు కట్టనుందని తెలుస్తోంది.

గతేడాది యాపిల్ కంపెనీ సీఈఓ టిమ్ కుక్ ఇండియాకి వచ్చారు. అప్పుడే ముంబైలోని షారూక్ ఖాన్ నివాసాన్ని ప్రత్యేకంగా సందర్శించారాయన. బాలీవుడ్ బాద్షా ఇంటిలో డిన్నర్ ను కూడా ఆరగించారు టిమ్ కుక్. అప్పుడే వీరి కలయికపై అనేక గుసగుసలు వినిపించాయి. ఇటు సినిమాలతో పాటు అటు వ్యాపారాల్లోనూ ఎంతో మేథస్సూ చూపించే షారూక్.. యాపిల్ కంపెనీతో కలిసి కొత్త వ్యాపారాన్ని ప్రారంభించబోతున్నాడనే టాక్ వినిపించింది. అయితే.. ఇప్పుడు యాపిల్ సంస్థ భారత్ లో మొబైల్స్ తయారీకి రంగం సిద్ధం చేసుకుంటున్న సంగతి తెలిసిందే.

ఈ సందర్భంగా ఇండియాలో యాపిల్ కంపెనీకి బ్రాండ్ అంబాసిడర్ గా షారూక్ ని ఎంచుకున్నారని.. ఇందుకోసం చర్చలు జరిపేందుకే గతేడాది టిమ్ కుక్.. షారూక్ ల కలయిక ఏర్పడిందని తెలుస్తోంది. త్వరలో ఈ విషయంపై అఫీషియల్ అనౌన్స్ మెంట్ వచ్చే అవకాశాలు ఉన్నాయి. ఇదే నిజమైతే మాత్రం.. అంతర్జాతీయ దిగ్గజ సంస్థల్లో నెంబర్2 స్థానంలో ఉన్న కంపెనీకి ఒక ఇండియన్ స్టార్ ప్రచారం చేసిన రికార్డ్ షారూక్ సొంతం అవుతుంది.

Like Us on Facebook : https://www.facebook.com/Tupakidotcom/