నీటి లోపల సూపర్ స్టార్ థాంక్స్

బాలీవుడ్ బాద్షా షారుఖ్ ఖాన్ తన ట్విట్టర్ ఖాతాలో 33 మిలియన్ సబ్ స్క్రైబర్స్ మార్క్ చేరుకున్న సందర్భంగా తన అభిమానులకు ప్రత్యేక థాంక్స్ చెప్పడానికి అండర్ వాటర్ లోకి వెళ్లి వీడియో మెసేజ్ పెట్టడం సోషల్ మీడియాలో వైరల్ అవుతోంది. టక్సెడో జాకెట్ వేసుకుని పూల్ వాటర్లో కి మాస్క్ సహాయంతో వెళ్ళిన షారుఖ్ ఇప్పటి దాకా ఎప్పుడు చేయని సరికొత్త తరహాలో తన ఫాన్స్ కోసం ఈ వీడియో పెడుతున్నాను అని చెప్పాడు. ఇది ముందు ప్లాన్ చేసింది కాదని - బద్దకంగా అనిపించిన ఆదివారం మధ్యాన్నం తనకు ఇంత ప్రేమ పంచిన అభిమానుల కోసం ఏదైనా చేయలి అనిపించి ఇలా దూకేస్తున్నా అని పెట్టాడు. చూసి ఆనందించండి తప్ప ఎలా చేసానో జడ్జ్ చేసే ప్రయత్నాలు మాత్రం చేయకండి అని రిక్వెస్ట్ పెట్టాడు షారుఖ్.

పూల్ లోకి దూకడానికంటే ముందు మాట్లాడిన షారుఖ్ ఇలా పెద్ద సంఖ్యను చేరుకున్న ప్రతి సారి ఏదో ఒకటి స్పెషల్ గా చేయాలి అనిపించేదని, కాని టైం దొరక్క ఇన్నాళ్ళు చేయలేదని చెప్పుకొచ్చాడు. కాని ఈ రోజు మాత్రం అన్ని అలా కలిసి వచ్చి ఇలా ప్రత్యేకంగా మీ కోసం చేయటం చాలా ఆనందంగా ఉందని తన ఫీలింగ్ పంచుకున్నాడు. షారుఖ్ అందులో దూకిన మరుక్షణం నుంచి బ్యాక్ గ్రౌండ్ లో షారుఖ్ కు పేరు తెచ్చిన సినిమాల్లోని డైలాగ్స్ ని ప్లే చేయటం విశేషం. అన్ని వేగంగా ప్లే అవుతుండగా వాటర్ ప్రూఫ్ కెమెరా ఫోన్ సెల్ఫీతో మొత్తం తనే స్వయంగా షూట్ చేసుకున్నాడు షారుఖ్ ఖాన్.

బయటికి వచ్చాక బాగా థ్రిల్ ఫీల్ అయిన షారుఖ్ ఖాన్ తన సన్ గ్లాసెస్ ఎక్కడ అని అడుగుతూ అంతా విన్నారు కదా ఊపిరి ఆడనందుకు వెనక్కు వచ్చేసానని చెబుతూ వీడియో చివరిలో 33 మిలియన్ కు థాంక్స్ అని చెప్పడం కొసమెరుపు. జయాపజయాలతో సంబంధం లేకుండా తన ప్రస్థానాన్ని కొనసాగిస్తున్న షారుఖ్ ఖాన్ ఈ ఏడాది డిసెంబర్ లో రానున్న జీరో సినిమాలో తన కెరీర్ లోనే మొదటి సారి మరుగుజ్జు పాత్రలో అలరించబోతున్నాడు. ఇందులో మిసెస్ అనుష్క కోహ్లీ కూడా ఒక హీరొయిన్ గా నటిస్తోంది.