షారూక్ వీర ఫ్యాన్.. ఇరగ్గొట్టేశాడు

బాలీవుడ్ కింగ్ ఖాన్ షారూక్ నటించిన లేటెస్ట్ మూవీ ఫ్యాన్.. ఏప్రిల్ 15న విడుదలకు సిద్ధమవుతోంది. దేశవ్యాప్తంగా హైయెస్ట్ ఎక్స్ పెక్టేషన్స్ ఉన్న ఈ మూవీని.. అన్ని రీజనల్ లాంగ్వేజెస్ లోనూ రిలీజ్ చేస్తున్నారు. విడుదలకు సరిగ్గా మరో నెల రోజులు మాత్రమే టైం ఉండడంతో.. ఇప్పటికే ప్రమోషన్స్ పీక్ స్టేజ్ కి వెళ్లిపోయాయి. జబ్రా థీమ్ సాంగ్ అయితే జనాల నోళ్లలో తెగ నానేస్తోంది. ఈ పాటను అన్ని స్థానిక భాషల్లోనూ విడుదల చేస్తుండగా.. ఇప్పుడు తెలుగు వెర్షన్ కూడా వచ్చేసింది.

తెలుగులో 'వీర ఫ్యాన్' అంటూ షారూక్ సాంగ్ వచ్చేసింది. వీర సుపర్.. వీర సుపర్ ఫ్యాన్ నేనయా.. అంటూ సాగే పాట ప్రతీ లైన్ సూపర్బ్ గా ఉంది. ఒరిజినల్ కి ఏ మాత్రం తీసిపోకుండా.. కరెక్ట్ వర్డింగ్ తో, మంచి టైమింగ్ తో లిరిక్ సూపర్బ్ గా ఉంది. అసలు.. బాలీవుడ్ డబ్బింగ్ సినిమాల్లో.. ఇంతగా సింక్ సాంగ్స్ చాలా తక్కువ అనే కామెంట్స్ వినిపిస్తున్నాయి. నకాష్ అజీజ్ పాడిన వీరఫ్యాన్ సాంగ్.. తెలుగు ఆడియన్స్ కు త్వరగానే కనెక్ట్ అవుతుంది.

సూపర్ స్టార్ ఆర్యన్ ఖన్నా, అతని ఫ్యాన్ గౌరవ్ గా.. రెండు పాత్రల్లో ఫ్యాన్ మూవీలో బాలీవుడ్ బాద్షా కనిపించనున్నాడు. తన అత్యంత ప్రియమైన ఫ్యాన్.. అతి పెద్ద శత్రువుగా మారితే పరిస్థితి ఏంటి అనేదే ఫ్యాన్స్ కాన్సెప్ట్.