పంజాబ్‌ లో ముగిసిన కింగ్ ఖాన్ ప్రేమ

బాలీవుడ్ బాద్షా షారూక్ ఖాన్ అన్నా.. కింగ్ ఖాన్ నటించిన మూవీ అన్నా.. జనాల్లో విపరీతమైన క్రేజ్ ఉండడం ఖాయం. కొన్నేళ్లుగా రేసులో కాస్త వెనకబడ్డంత మాత్రాన షారూక్ ని అండర్ ఎస్టిమేట్ చేయడానికి లేదు. ఒక్క సినిమా సరైనది పడిందంటే.. మళ్లీ బాక్సాఫీస్ ని దడదడలాడించేయడం ఖాయం.

ప్రస్తుతం షారూక్ ఖాన్ తన స్టైల్ లో ఓ ట్రేడ్ మార్క్ లవ్ స్టోరీ చేస్తున్నాడు. ఇంతియాజ్ ఆలీ దర్శకత్వంలో రూపొందుతున్న ఈ మూవీలో హీరోయిన్ గా అనుష్క శర్మ నటిస్తోంది. ఈ సినిమాకి సంబంధించిన చాలానే లీక్డ్ ఇమేజెస్ నెట్ లో హల్ చల్ చేస్తుండగా.. తాజాగా షారూక్ స్వయంగా తనే పంజాబ్ షెడ్యూల్ కి సంబంధించిన కొన్ని ఫోటోలను పోస్ట్ చేశాడు. షారూక్ ట్రాక్టర్ తోలుతుంటే అనుష్క శర్మ పక్కన కూర్చున్న ఫోటో.. టర్బన్ అచ్చమైన పంజాబీ లుక్ లో మరో ఫోటోతోపాటు.. తనదైన స్టైల్ లో రెండు చేతులు చాచగా అనేకమంది పంజాబీ అమ్మాయిలు కూడా సేమ్ పోజ్ ఇచ్చిన ఫోటో వీటిలో ఉన్నాయి.

పంజాబ్ లో షూటింగ్ చేసినందుకు.. వారు చూపిన ప్రేమకు.. అలాగే పంజాబ్ కు తీసుకొచ్చినందుకు ఇంతియాజ్ ఆలీకి థాంక్యూ చెబుతూ ట్వీట్ పెట్టాడు షారూక్. ఇప్పటికే ప్రేగ్.. ఆమ్ స్టర్ డామ్, బుడాపెస్ట్ లతో యూరోప్ లోని పలు ప్రాంతాల్లో ఈ మూవీ షూటింగ్ నిర్వహించారు. కింగ్ ఖాన్ కెరీర్ లో మరో బెస్ట్ రొమాంటిక్ మూవీగా ఈ చిత్రం నిలవనుందనే అంచనాలున్నాయి.

Like Us on Facebook : https://www.facebook.com/Tupakidotcom/