ఖాన్ తో ముద్దుగుమ్మలు రిక్షా తొక్కించారు

ఒక అందమైన అమ్మాయి లాంగ్ రైడ్ కి వెళదామా అంటే ఏ మగాడైనా వద్దు అంటాడా?. వయసుతో బేధం లేకుండా వెళ్లేవారు ఈ రోజుల్లో చాలా మంది ఉన్నారు. ఇక బాలీవుడ్ లో కూడా అలాంటి తారలు చాలా మంది వున్నారు. హీరో హీరోయిన్స్ సీక్రెట్ గా రైడ్ కి వెళ్లడం చాలా కామన్. పార్టీకి వెళ్లారంటే నైట్ అవుట్ ఓ లాంగ్ రైడ్ బోనస్ గా వచ్చినట్టే. అయితే రీసెంట్ గా షారుక్ కూడా అలాంటి రైడ్ కి ఏమైనా వెళుతున్నాడా అని ఒక ఫొటో చెప్పింది.

కానీ షారుక్ మాత్రం కొంచెం డిఫెరెంట్ గా వెళుతున్నాడని ఆ ఫొటోని చూస్తే అర్ధమవుతోంది. స్టార్ హీరోయిన్స్ అనుష్క శర్మ - కత్రినా కైఫ్ ఆయనతో ఉండడం స్పెషల్ అని చెప్పవచ్చు. ఓ రిక్షా పై ఇద్దరిని ఎక్కించుకొని షారుక్ రిక్షా తొక్కుతున్నట్లు ఉన్న ఆ ఫొటోను చూసి అందరు ఖాన్ తో రిక్షా తొక్కిస్తున్నారుగా అని ఫన్నీ గా కామెంట్ చేస్తున్నారు. అయితే ఆ స్టార్ హీరో మాత్రం అలా అనడం లేదు.

ఉత్తమ జ్ఞాపకాలతో పిచ్చి ఆలోచనలు ప్రారంభమవుతాయి.. అని పిలిచే రైడ్ కోసం నన్ను తీసుకెళ్తున్న బాలికలు అంటూ సరదాగా ట్వీట్ చేశాడు. దీంతో నెటిజన్స్ ఎవరి స్టైల్ లో వారు కామెంట్ చేస్తున్నారు. అసలు మ్యాటర్ లోకి వెళితే.. వీరు ముగ్గురు కలిసి ప్రస్తుతం జీరో అనే సినిమా చేస్తున్నారు. ఆనంద్ ఎల్ రాయ్ తెరకెక్కిస్తోన్న ఆ సినిమా షూటింగ్ లో భాగంగా ఇలా ముగ్గురు రిక్షాలో కనిపించారు. షారుక్ ఈ సినిమాలో మరగుజ్జు పాత్రలో కనిపించనున్నాడు.