అమితాబ్ కు పోటీగా మనోడు కూడా

ఇటీవ‌లి కాలంలో ఇన్‌ క్రెడిబుల్ ఇండియా టాపిక్ వెరీ హాట్‌. ఏ నోట విన్నా ఈ ముచ్చ‌టే వినిపిస్తోంది. అమీర్ ఖాన్ కాంట్రాక్ట్ పూర్త‌యింది. అన‌వ‌స‌ర‌మైన వ్యాఖ్య‌ల‌తో త‌న‌పై ఉన్న న‌మ్మ‌కాన్ని పోగొట్టుకుని కాంట్రాక్టుకు దూర‌మ‌య్యాడ‌న్న వాద‌న వినిపించింది. దేశంలోని టూరిజ‌మ్ అభివృద్ధికి బ్రాండ్ అంబాసిడ‌ర్‌గా అమీర్ ప‌దేళ్లుగా చేస్తున్న సేవ‌లు విస్మ‌రించ‌లేనివి. కానీ మ‌త అస‌హ‌నంపై అత‌డు చేసిన వ్యాఖ్య‌లు పెను దుమారం రేపిన నేప‌థ్యంలో అత‌డితో కాంట్రాక్టును పున‌రుద్ధ‌రించే ఆలోచ‌న‌ను విర‌మించింది ప్ర‌భుత్వం

దాంతో అమీర్ త‌ప్పుకుంటున్న‌ట్టు స్వ‌యంగా ప్ర‌క‌టించాడు. అయితే ఆ ప్లేస్‌ లోకి వ‌చ్చే హీరో ఎవ‌రు? అన్న దానికి కూడా స‌మాధానం వినిపించింది. మెగాస్టార్‌ అమితాబ్ బ‌చ్చ‌న్ ఆ ప్లేస్‌ ని రీప్లేస్ చేస్తార‌ని విస్ర్త‌తంగా చ‌ర్చ జ‌రిగింది. అమీర్ సైతం ఆ విష‌యాన్ని ధృవీక‌రించాడు. అయితే ఈ త‌తంగం సాగుతుండ‌గానే మ‌ధ్య‌లో కింగ్ ఖాన్ పేరు వినిపిస్తోంది. రేసులో బిగ్‌ బితో పాటు కింగ్ ఖాన్ షారూక్‌ ఖాన్ కూడా నిలుచున్నాడు. టాప్-10 ప్రాబ‌బుల్స్ లిస్టులో షారూక్ పేరు కూడా ఉంది. అందుకే మీడియా అత‌డి వెంట‌ప‌డి ప‌దే ప‌దే ఈ సంగ‌తిని ప్ర‌స్థావిస్తోంది. ఒక‌వేళ ఆ ఛాన్స్ మీకే వ‌స్తే చేస్తారా? అని ప్ర‌శ్నిస్తోంది. అయితే ఈ ప్ర‌శ్న‌ల‌కు స‌మాధానం విష‌యంలో షారూక్ తెలివిగా వ్య‌వ‌హ‌రిస్తున్నాడు. నేను చేస్తానా? లేదా? అన్న‌ది వ‌దిలేయండి. ప్ర‌స్తుతానికి లీవిట్ అంటూ మాట దాట‌వేస్తున్నాడు.

ఈ వ్య‌వ‌హారం చూస్తుంటే బాద్‌ షా సీరియ‌స్‌ గానే మ్యాట‌ర్‌ ని తీసుకున్నాడ‌ని అనిపిస్తోంది. కొన్ని పైకి చెప్పుకోరు కానీ, మ‌న‌సులో కోరిక‌లు బ్యాలెన్స్ అలానే మిగిలిపోతాయి. అలాంటివాటిలో ఇదొక‌టి అయి ఉంటుంద‌ని అత‌డి నిర్వాకంతో అర్థ‌మ‌వుతోంది. షేడ్స్ ఆఫ్ బెంగాల్.. కాఫీ టేబుల్ బుక్ లాంచ్ చేసిన టైమ్‌ లో షారూక్ ముఖంలో వెలుగులు విర‌జిమ్మాయి. దానిని బ‌ట్టి చాలా మంది గెస్సింగులు కూడా మొద‌లెట్టేశారు మ‌రి.