ఓటీటీలోకి షారుక్‌ 'పఠాన్'.. స్ట్రీమింగ్ ఎప్పుడంటే?

బాలీవుడ్‌ కింగ్ ఖాన్ షారుఖ్‌ హీరోగా న‌టించిన ప‌ఠాన్ సినిమా ఈనెల 26న ప్రేక్షకుల ముందుకు వస్తోన్న సంగతి తెలిసిందే. దాదాపు నాలుగేళ్ల గ్యాప్ త‌ర్వాత షారుఖ్‌ నుంచి వస్తున్న సినిమా కావడంతో ప్రేక్షకులు ఆసక్తిగా ఎదురుచూస్తున్నారు. ఇక ఈ పఠాన్ సినిమాలో షారుక్‌ సరసన దీపికా ప‌డుకోనే హీరోయిన్‌గా న‌టిస్తోంది. స్పై యాక్ష‌న్ థ్రిల్ల‌ర్‌గా తెర‌కెక్కుతోన్న ఈ సినిమాను సిద్ధార్థ్ ఆనంద్ దర్శకత్వం వహించాడు.

ఇక ఈ సినిమాలో ప‌ఠాన్ అనే రా ఏజెంట్‌గా షారుఖ్‌ఖాన్ పాత్ర ఉంటుందని ట్రైలర్ చూస్తే అర్థం అవుతోంది. ఇప్పటికే ఈ సినిమా నుంచి విడుదలైన ట్రైలర్స్, పాటలు సంచలనం సృష్టించాయి.

ఇక బేషరమ్ సాంగ్ వివాదం దేశవ్యాప్తంగా చర్చనీయాంశమైంది తెలిసిందే. అయితే తాజాగా ఈ సినిమా గురించి ఓ వార్త సోషల్ మీడియాలో హల్ చల్ చేస్తోంది. సినిమా రిలీజ్ కాకముందే ఓటీటీ డేట్ ఇది అంటూ నెట్టింట్లో ఓ వార్త చక్కర్లు కొడుతోంది.

ఈ జనవరి 26న సినిమా రిలీజ్ కానుండగా... ఏప్రిల్ 26న ఓటీటీలో వస్తుందని సమాచారం. అయితే ఈ విషయాన్ని పఠాన్ మేకర్స్ అధికారికంగా వెల్లడించలేదు. కానీ ఈ చిత్రానికి సంబంధించిన కేసు విషయమై పఠాన్ మేకర్స్‌ కోర్టులో ఈ తేదీని వెల్లడించారని రుమార్ అయితే ఉంది. ఇక ఈ సినిమా ఓటీటీ డీల్ కూడా ముగిసిందని తెలుస్తోంది. ఈ సినిమా డిజిటల్ రైట్స్‌ను వందకోట్లకు అమెజాన్ ప్రైమ్ దక్కించుకున్నట్లు సమాచారం.

హిందీతో పాటు.. దక్షిణాది భాషల్లో కలిపి అమెజాన్ ప్రైమ్ భారీ మొత్తానికి ఓటీటీ రైట్స్ సొంతం చేసుకుందని టాక్. ఇక ఈ చిత్రం అమెజాన్‌ ప్రైమ్‌లో మార్చి 25న 2023 నుంచి అద్దె ప్రాతిపదికన అందుబాటులో ఉండనుంది సమాచారం.

ఇక ఏప్రిల్ 26న ఓటీటీలో పూర్తిస్థాయిలో అందుబాటులోకి వస్తుందని తెలుస్తోంది. స్పై థ్రిల్లర్‌గా తెరకెక్కిన ఈ చిత్రంలో జాన్ అబ్రహం కీలక పాత్రలో కనిపించారు. స‌ల్మాన్‌ఖాన్‌, హృతిక్ రోష‌న్ గెస్ట్ రోల్స్‌లో క‌నిపించ‌బోతున్నారు.యష్ రాజ్ ఫిల్మ్స్ నిర్మించిన పఠాన్ చిత్రానికి విశాల్ మరియు షేఖర్ సంగీతం అందించారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.