ఫోటో స్టొరీ: హిందీ అర్జున్ రెడ్డి కి శాంపిల్

అర్జున్ రెడ్డి' సినిమానే కాదు దాని రీమేక్ ల పై కూడా ఎంతో ఆసక్తి వ్యక్తం అవుతోంది. ఇప్పటికే తమిళ రీమేక్ 'వర్మ' ఎలా ఉంటుందోనని అందరూ ఎదురుచూస్తున్నారు. ట్రైలర్ రూపంలో కాస్త ఝలక్ తగిలినా.. సినిమా పూర్తిగా చూడకుండా కామెంట్ చేయడం కరెక్ట్ కాదని డైరెక్టర్ బాలా అభిమానులు కొందరి అభిప్రాయపడుతున్నారు.

ఇక హిందీ రీమేక్ విషయానికి వస్తే తెలుగు 'అర్జున్ రెడ్డి' దర్శకుడు సందీప్ వంగానే బాధ్యత తీసుకున్నాడు. హీరో షాహిద్ కపూర్. హీరోయిన్ గా మొదట తార సుతారియా ను తీసుకున్నారు గానీ ఆమెను తర్వాత సినిమా నుండి తప్పించారు. ఆమె స్థానంలో 'భరత్ అనే నేను' హీరోయిన్ కియారా అద్వాని ని తీసుకున్నారు. అసలే ఈమెకు 'లస్ట్ స్టోరీస్' అనుభవం ఉంది కాబట్టి 'అర్జున్ రెడ్డి' రీమేక్ లో కిస్సుల ఫెస్టివల్ చేపట్టడం ఖాయం.

సినిమా సంగతి ఇలా ఉంటే షాహిద్ - కీయరా జంట రీసెంట్ గా ఒక యోయో హనీ సింగ్ మ్యూజిక్ వీడియో వీడియో కోసం డ్యాన్సు చేశారు. ఈ పాట రహమాన్ సూపర్ హిట్ సాంగ్ ఊర్వశి ఊర్వశి కి రీమేక్. బీకాంలో ఫిజిక్స్ ఉండదని చాలామంది వేళాకోళం ఆడతారు. కానీ అదే జనాలు వీళ్ళిద్దరి మధ్యలో కెమిస్ట్రీ ఉందంటే మాత్రం గుడ్డిగా నమ్ముతారు. అక్కడ ఫిజిక్స్ లేకుంటే ఇక్కడ కెమిస్ట్రీ ఉన్నట్టా. లేదా ఆ ఫిజిక్స్ వేరు ఈ కెమిస్ట్రీ వేరు.. సందర్భాలు వేరురా శుంఠ అని కోపగించుకుంటారా?