భార్య చెప్పింద‌ని ఆ సినిమా చేశాడ‌ట‌!

అప్ప‌ట్లో శివ‌.. ఇప్ప‌ట్లో అర్జున్ రెడ్డి. తెలుగు సినిమాను తీవ్ర ప్ర‌భావితం చేసిన సినిమాలుగా ప‌లువురు అభివ‌ర్ణిస్తుంటారు. కొత్త ట్రెండ్ కు శ్రీ‌కారం చుట్ట‌ట‌మే కాదు.. కొత్త త‌రానికి స‌రికొత్త క‌థలా అప్పుడ‌ప్పుడు కొన్ని సినిమాలు వ‌స్తుంటాయి. ఆ కోవ‌కే చెందింది అర్జున్ రెడ్డి మూవీ.

ఎలాంటి అంచ‌నాలు లేకుండా విడుద‌లై అద్భుత విజ‌యాన్ని సాధించ‌ట‌మే కాదు.. విజ‌య్ దేవ‌ర‌కొండను రాత్రికి రాత్రి స్టార్ చేసేసిన సినిమాగా దీన్ని చెప్పాలి. ఈ సినిమా క‌బీర్ సింగ్ పేరుతో హిందీలో రీమేక్ అవుతోంది. షాహిద్ క‌పూర్ ఈ మూవీని చేయ‌టానికి సంబంధించి ఒక ఆస‌క్తిక‌ర అంశాన్ని చెప్పుకొచ్చారు.

అర్జున్ రెడ్డి మూవీని తాను.. త‌న భార్య చూశామ‌ని.. ఆ సినిమా మొద‌టిసారి చూసినంత‌నే వావ్ అనుకున్న‌ట్లు చెప్పారు. త‌న భార్య ఈ సినిమా రీమేక్ నువ్వు చేస్తే బాగుంటుంద‌ని చెప్పింద‌ని.. సినిమా చేయ‌టానికి అదో కార‌ణంగా చెప్పారు.

విజ‌య్ ను తానింత‌వ‌ర‌కూ క‌ల‌వ‌లేద‌ని.. అర్జున్ రెడ్డికి ఇవ్వాల్సిన గౌర‌వం ఇచ్చామ‌ని.. ఎక్క‌డా కాపీ పేస్ట్ లాగా త‌మ సినిమా ఉండ‌ద‌న్నారు. అర్జున్ రెడ్డితో పోలికే త‌న‌కు న‌చ్చ‌ద‌ని.. పోలిక పెట్టిన ప్ర‌తిసారీ టెన్ష‌న్ పెరిగిపోతుంటుంద‌ని చెప్పారు. త‌మ మూవీ ట్రైల‌ర్ గురించి ప్ర‌భాస్ మెచ్చుకోవ‌టం చాలా ఆనందాన్ని ఇచ్చింద‌న్నారు. క‌బీర్ సింగ్ మూవీని షాహిద్ చేయటానికి ఆయ‌న శ్రీ‌మ‌తి కార‌ణ‌మ‌న్న మాట‌.