న‌టించింది చాలు.. ఆ డీటెయిల్స్ పట్టుకురండి

బాలీవుడ్ బాద్‌ షా షారూక్‌ ఖాన్ - కాజోల్ జంట‌గా రోహిత్ శెట్టి ద‌ర్శ‌క‌త్వంలో దిల్‌ వాలే తెర‌కెక్కిన సంగ‌తి తెలిసిందే. వ‌రుణ్‌ ధావ‌న్ - కృతిస‌నోన్ యువ‌జంట‌గా న‌టించారు. షారూక్‌-కాజోల్ జంట మెచ్యూర్డ్ ల‌వ్‌ స్టోరీలో న‌టిస్తే, వ‌రుణ్‌-కృతి అల్ల‌రి చిల్ల‌రి ప్రేమాయ‌ణం అంటే ఎలా ఉంటుందో చూపించారు. నిన్న‌నే దిల్‌ వాలే థియేట‌ర్ల‌లోకి వ‌చ్చింది. భాజీరావ్ మ‌స్తానీ సినిమాతో బాక్సాఫీస్ వ‌సూళ్ల‌లో పోటీప‌డింది. బాద్‌ షా ఛ‌రిష్మా - కాజోల్ గ్లామ‌ర్ ఈ సినిమాకి పెద్ద ప్ల‌స్ అయ్యాయ‌న్న టాక్ వ‌చ్చింది. రివ్యూల‌న్నీ దిల్‌ వాలే హిట్ అంటూ ఆకాశానికెత్తేశాయి.

అస‌లే సినిమా రిలీజ‌వుతోంది అంటే అందులో న‌టించిన న‌టీన‌టుల మ‌ధ్య ఎంతో హ‌డావుడి ఉంటుంది క‌దా! ఇదిగో ఇక్క‌డ క‌నిపిస్తున్న కుర్ర జంట అదే ప‌నిగా ఫోన్‌ లు మాట్లాడుతూ బిల్డ‌ప్ ఇస్తోంది చూస్తుంటే నిజంగానే దిల్‌ వాలే ఓ రేంజు హిట్టు అని అర్థ‌మ‌వుతోంది. స్నేహితులు - బంధువులు - అభిమానులు ఇలా అంద‌రూ ఫోన్ చేసి అభినందిస్తుంటే ఈ యువ‌జోడి ఉక్కిరి బిక్కిరి అవుతున్నార‌నే అర్థ‌మ‌వుతోంది. ఇలా ఫోన్‌ లు మాట్లాడుతున్న ఈ ఫోటోని వ‌రుణ్‌ ధావ‌న్ ట్విట్ట‌ర్‌ లో పెట్టాడు. దానికి ప్ర‌తిగా ట్వీట్ చేస్తూ కింగ్ ఖాన్ ఏమ‌న్నాడో తెలుసా? అలా ఫోన్‌ లు మాట్లాడుతూ న‌టించింది చాలు... వెళ్లి క‌లెక్ష‌న్ల వివ‌రాలు ప‌ట్టుకురండి.. అంటూ స‌ర‌దాగా వ్యాఖ్యానించాడు. మ‌రి క‌లెక్ష‌న్ల డీటెయిల్స్ కోసం కూడా ఇలానే ఫోన్‌ లు మాట్లాడుతూ హ‌డావుడి చేస్తారేమో చూడాలి