అతడు చనిపోయిందుకే సీక్వెల్ లేదు

బాలీవుడ్ బాద్ షా షారూక్ ఖాన్ నటించిన ఫ్యాన్.. ఏప్రిల్ 15న విడుదలైన సూపర్ గా దూసుకుపోతోంది. ఈ చిత్రానికి ఇండియన్ మార్కెట్ నుంచి కంటే ఎక్కువగా ఓవర్సీస్ కలెక్షన్స్ రావడం ఆశ్చర్యాన్ని కలిగిస్తోంది. సూపర్ స్టార్ గా, ఫ్యాన్ గా షారూక్ చేసిన డ్యూయల్ రోల్స్ ఆడియన్స్ ను బాగా ఆకట్టుకుంటున్నాయి.

ఓ విభిన్నమైన కాన్సెప్ట్ తో వచ్చిన మూవీ సక్సెస్ కాగానే.. సీక్వెల్ అంటూ సంగతులు మొదలైపోతున్నాయి. అయితే.. ఫ్యాన్ విషయంలో మాత్రం ఇది కుదరదంటున్నాడు షారూక్ ఖాన్. 'సినిమాలో ఫ్యాన్ చనిపోయాడు. అందుకే ఈ మూవీకి సీక్వెల్ తీయాలని అనుకోవడం లేదు' అని చెప్పిన షారూక్.. ఈ సినిమా డైరెక్టర్ మనీష్ శర్మతో మాత్రం తప్పనిసరిగా మరో చిత్రం చేస్తానన్నాడు.

'ఫ్యాన్ లాంటిది కాకుండా మరో కొత్త స్క్రిప్ట్ పై మనీష్ - నేను వర్క్ చేస్తాం.' అన్న షారూక్ ఖాన్.. ఫ్యాన్ మూవీలో చేసిన పాత్రల్లో.. సూపర్ స్టార్ ఆర్యన్ ఖన్నానే చాలా కష్టమైనది అంటున్నాడు. తన నిజ జీవితానికి చాలా దగ్గరగా ఉన్న పాత్ర కావడంతో.. ఒరిజినల్ కేరక్టర్లకు హుందా తగ్గకుండా జాగ్రత్త పడాల్సి వచ్చిందట. ప్రస్తుతం షారూక్ నటిస్తున్నా రాయీస్.. ఈ ఏడాది ఈద్ కు విడుదలకు కానుంది.