నాటు నాటు గోల్డెన్ గ్లోబ్‌ పై బాలీవుడ్‌ బాద్ షా కామెంట్స్

ఆర్ఆర్ఆర్ సినిమా లోని నాటు నాటు సాంగ్ గోల్డెన్ గ్లోబ్ అవార్డు దక్కించుకోవడం పట్ల బాలీవుడ్ బాద్ షా స్పందించాడు. రాజమౌళి చేసిన ట్వీట్ కు సమాధానంగా షారుఖ్ ఖాన్ ఆసక్తికర ట్వీట్స్ చేసి అందరి దృష్టిని ఆకర్షించాడు.

కొన్ని గంటల ముందు రామ్ చరణ్‌ ను ఉద్దేశించి మీరు అందుకోబోతున్న ఆస్కార్ అవార్డును ఒకసారి నన్ను తాకనివ్వండి అన్నట్లుగా ట్వీట్ చేసి అందరిని ఆశ్చర్యపరిచిన విషయం తెల్సిందే. గోల్డెన్ గ్లోబ్ అవార్డు ను నాటు నాటు దక్కించుకున్న నేపథ్యంలో షారుఖ్ మరింత ఉత్సాహపరిచే కామెంట్స్ చేశాడు.

షారుఖ్‌ ఖాన్‌ ట్విట్టర్ లో రాజమౌళిని ఉద్దేశించి... సర్ ఇప్పుడే నిద్రలేచి గోల్డెన్ గ్లోబ్స్‌లో మీ విజయాన్ని పురస్కరించుకుని నాటు నాటుకు డ్యాన్స్ చేయడం ప్రారంభించాను. ఇంకా మరెన్నో అవార్డులు దక్కించుకుని మీరు భారతదేశం గర్వపడేలా చేయాలని కోరుకుంటున్నాను అన్నట్లుగా పేర్కొన్నాడు.

షారుఖ్‌ ఖాన్ నటించిన పఠాన్ సినిమా విడుదలకు సిద్ధంగా ఉంది. జనవరి 25వ తారీకున విడుదల కాబోతున్న పఠాన్ యొక్క తెలుగు ట్రైలర్ ను రామ్‌ చరణ్ విడుదల చేయడం జరిగింది. ట్రైలర్ పై రాజమౌళి కూడా ప్రశంసలు కురిపిస్తూ ట్వీట్‌ చేశాడు. ఆ ట్వీట్ కే షారుఖ్ సమాధానం ఇచ్చి గోల్డెన్ గ్లోబ్ అవార్డుకు శుభాకాంక్షలు తెలియజేశాడు.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.