ష‌కీలా బ‌యోపిక్ లో ష‌కీలా!

శృంగార తార‌ ష‌కీల అంటే ప‌రిచ‌యం అక్క‌ర్లేని పేరు. 90లలో యూత్ ను పిచ్చెక్కించిన స్టార్. ష‌కీలా సినిమా వ‌స్తుందంటే? స‌్టార్ హీరోల సినిమాలు సైతం వాయిదా వేసుకోవాల్సిన ప‌రిస్థిలు వ‌చ్చేవి. ముఖ్యంగా క‌న్న‌డ - తెలుగు - మ‌ల‌యాళం భాష‌ల్లో ష‌కీలా సినిమాల‌కు య‌మా గిరాకీ ఉండేది. ష‌కీలా సినిమా పోస్ట‌ర్ గోడ మీద ప‌డిందంటే చాలు యువ‌త నుంచి పండు ముస‌లి వ‌ర‌కూ థియేట‌ర్ వైపు సైకిళ్లు మ‌ళ్లించేవారు. ష‌కీలా సినిమా తెలుగు డ‌బ్బింగ్ టైటిల్స్ అంతే క్యాచీగా ఉండేవి. కాల‌క్ర‌మేణా ఆ టైపు సినిమాల‌కు గిరాకీ త‌గ్గ‌డం..ష‌కీలా వ‌య‌సు ముదిరిపోవ‌డం అలా ష‌కీలా సినిమాల‌కు దూర‌మ‌వ్వాల్సి వ‌చ్చింది. అలా ష‌కీలా అంత పెద్ద స్టార్ అయింది కాబ‌ట్టే ఆమె జీవితం ఇప్పుడు వెండి తెర‌కెక్కుతోంది.

ఇంద్ర‌జిత్ లంకేష్ ఆమె జీవిత క‌థ‌కు దృశ్య‌రూపం ఇస్తున్నాడు. ష‌కీలా పాత్ర‌ను బాలీవుడ్ న‌టి రిచా చ‌ద్దా పోషిస్తోంది. ప్ర‌స్తుతం రిచా ష‌కీలలా న‌టించ‌డానికి ప్రాక్టీస్ మొద‌లు పెట్టింది. దీనిలో భాగంగా నేరుగా బెంగుళూరులోని ష‌కీలాను క‌లిసి ఆమె ప్రోఫెష‌నల్ గా ఎలా ఉండేవారు? అన్ ఫ్రోఫెష‌నల్ గా ఎలా ఉండేవారు? బాడీ లాంగ్వేజ్ - డ్రెస్సింగ్ సెన్స్ వంటి అంశాల‌ను స్వ‌యంగా ష‌కీలాను అడిగి తెలుసుకుంటుద‌ట‌. పాత్ర‌లో ఇమిడిపోవాలంటే ఇవ‌న్నీ త‌ప్ప‌క చేయాల్సిందేనని ద‌ర్శ‌కుడు సూచించ‌డంతో రిచా కొద్ది రోజులుగా ష‌కీలాతోనే ట్రావెల్ అవుతోందిట‌. అలాగే సినిమాలో ష‌కీలా గురించి చాలా కీల‌క‌మైన అంశాల‌ను ఇంద్ర‌జింత్ చూపించ‌నున్నాడ‌ని తెలుస్తోంది.

ష‌కీలా అడ‌ల్ట్ స్టార్ గా మార‌డానికి కార‌ణాలు తెర‌పై చాలా ఆస‌క్తిక‌రంగా ఉండ‌నున్నాయ‌ట‌. అప్ప‌టి ఇండ‌స్ర్టీ ప‌రిస్థితులు ఎలా ఉండేవి? క‌్యారెక్ట‌ర్ ఆర్టిస్ట్ గా ప్ర‌య‌త్నాలు చేసేట‌ప్పుడు ష‌కీలా ఎలాంటి ప‌రిస్థితుల్లో ఉండేది? అవ‌కాశాలు కోసం ప్ర‌య‌త్నిస్తున్న‌ప్పుడు ఆమె ప‌డిన ఇబ్బందులు? చాలా ఆస‌క్తిక‌రంగా మ‌ల‌చ‌నున్న‌ట్లు ద‌ర్శ‌కుడు తెలిపాడు. అలాగే ష‌కీల ఇందులో కామియో రోల్ పోషించ‌నుంద‌ట‌. ఇంద్ర‌జిత్ ష‌కీలాకు రోల్ నేరెట్ చేయ‌గానే వెంట‌నే న‌టించాడ‌నికి ఒప్పుకుంద‌ట‌. దీంతో సినిమాకు మ‌రింత క్రేజ్ ద‌క్కే అవ‌కాశం ఉంది.