అర్జున్ రెడ్డి లవర్ హాట్ లుక్స్

విజయ్ దేవరకొండ ఇమేజ్ ని ఒక్క సినిమాతో ఎక్కడికో తీసుకెళ్ళిపోయిన అర్జున్ రెడ్డి హీరొయిన్ శాలిని పాండే ఆ క్రేజ్ కు తగ్గ అవకాశాలు టాలీవుడ్ లో పట్టలేకపోయింది. ఓ పక్క హిట్టు మీద హిట్టుతో విజయ్ అంతంతై అన్నట్టు ఎదుగుతుంటే శాలిని మాత్రం తమిళ్ వైపు దృష్టి సారిస్తోంది. ఇక్కడ స్టిల్ చూసారుగా. జస్ట్ టాప్ మాత్రమే వేసుకుని క్యుట్ లుక్స్ తో మన దృష్టిని వద్దన్నా కిందకు వెళ్ళేలా చేస్తూ తను మాత్రం తన్మయత్వంతో కళ్ళు మూసుకుని ఏదో సంగీతాన్ని ఆస్వాదిస్తున్న పిక్ బాగా వైరల్ అవుతోంది.

ప్రముఖ ఫోటో గ్రాఫర్ శాల్ప్ తీసిన ఈ పిక్ తన ఎకౌంటు లో ఉన్న 9 లక్షలకు పైగా ఫాలోయర్స్ కు రీచ్ అయిపోయి సూపర్ హిట్ అయ్యింది. అర్జున్ రెడ్డి తర్వాత శాలిని కనిపించింది ఒక్క మహానటిలో మాత్రమే. అందులోనూ కీర్తి సురేష్ ఫ్రెండ్ గా చాలా చిన్న పాత్ర కాబట్టి పెద్ద పేరు రాలేదు. శాలిని చేతిలో ప్రస్తుతం మూడు సినిమాలు ఉన్నాయి. నాగ చైతన్య సూపర్ హిట్ హండ్రెడ్ పర్సెంట్ లవ్ కు రీమేక్ గా తమిళ్ లో నిర్మిస్తున్న 100% కాదల్ లో హీరొయిన్ తనే. జివి ప్రకాష్ చైతు పాత్ర చేస్తున్నాడు.

దీంతో పాటు రంగం హీరో జీవా సరసన చేసిన గొరిల్లా షూటింగ్ పూర్తి చేసుకుంది. ఇది కాకుండా తెలుగులో శాలిని చేస్తున్న సినిమా కళ్యాణ్ రామ్ తో. ఇంతకు ముందే షూటింగ్ ప్రారంభమయ్యింది. పెద్ద బ్రేక్ కోసం ఎదురు చూస్తున్న శాలిని పాండే అది తమిళ్ లో దక్కుతుందని గట్టి నమ్మకంతో ఉంది.