అర్జున్ రెడ్డి బ్యూటీ బిజీగానే ఉందే

విజయ్ దేవరకొండ ను స్టార్ ని చేసిన అర్జున్ రెడ్డిని యూత్ ఇప్పట్లో మర్చిపోరేమో. ఒక సాధారణ లవ్ స్టోరీని రాగా బోల్డ్ గా చూపిస్తే వసూళ్ల వర్షం కురుస్తుంది అని చెప్పడానికి ఉదాహరణగా నిలిచిన ఈ మూవీ టీవీలో ఎప్పుడు వచ్చినా మంచి రేటింగ్స్ దక్కించుకుంటూ ఉండటం గమనార్హం. అయితే దీని తర్వాత విజయ్ దేవరకొండతో పాటు సమాన గుర్తింపు తెచ్చుకున్న హీరోయిన్ షాలిని పాండే మాత్రం తెలుగులో ఆ తర్వాత పెద్దగా కనిపించలేదు. మహానటిలో సావిత్రి ఫ్రెండ్ గా చేసిన చిన్న పాత్ర వల్ల పెద్దగా ప్రయోజనం కలగలేదు.

అయినా అవకాశాలు రావడం లేదేమో అనుకున్నారు కానీ షాలిని పాండే అటుపక్క తమిళ సినిమాలతో బిజీగానే ఉంది. బాలీవుడ్ ఆఫర్లు కూడా బాగానే వస్తున్నాయి. ఈ ఏడాది హిందీలో చేసిన మేరీ నిమ్మో- హెలికాఫ్టర్ ఈలా రెండు ప్లాప్ కావడంతో వర్క్ అవుట్ కాలేదు కానీ లేదంటే అక్కడ కాస్త జెండా గట్టిగానే పాతేది. అయితే కోలీవుడ్ లో మాత్రం షాలిని పాండే మంచి స్వింగ్ లో ఉంది. తెలుగులో చైతుకి బెస్ట్ హిట్ గా నిలిచిన 100% లవ్ రీమేక్ లో జివి ప్రకాష్ సరసన నటిస్తోంది. దీని షూటింగ్ దాదాపు పూర్తయిపోయింది. విడుదల డేట్ ఫిక్స్ చేయాల్సి ఉంది.

గొరిల్లా అనే మరో సినిమాలో రంగం హీరో జీవా సరసన నటిస్తోంది. అగ్ని సిరగుగల్ అనే మరో సినిమాలో విజయ్ ఆంటోనీ సరసన ఛాన్స్ కొట్టేసింది. ఇదే తెలుగులో జ్వాలా పేరుతో ఏకకాలంలో నిర్మిస్తున్నారు. ఇక్కడ కళ్యాణ్ రామ్ సరసన చేసిన 118 జనవరిలో విడుదల అయ్యే అవకాశం ఉంది. మొత్తానికి బయటికి కనిపించకపోయినా షాలిని పాండే డైరీ బిజీగానే ఉంది. వీటిలో ఏ ఒక్కడి పెద్ద సక్సెస్ కొట్టినా చాలు బ్రేక్ దొరికినట్టే