డామినేషన్ చూపించే వారికి దూరంగా ఉండాలన్న షాలిని!

షాలిని పాండే.. 'అర్జున్ రెడ్డి' సినిమాతో సినీ ఇండస్ట్రీలో అడుగు పెట్టి ఫస్ట్ సినిమాతోనే బ్లాక్ బస్టర్ విజయం అందుకుంది. ఈ సినిమాలో బోల్డ్ సీన్లలో నటించి హాట్ హాట్ అందాలను ఆరబోసి ఇండస్ట్రీలో అందరూ తనవైపు చూసేలా చేసుకుంది. ఈ మూవీలో విజయ్ దేవరకొండకు ఎంత పేరు వచ్చిందో, ప్రీతిగా నటించిన షాలినీ పాండేకు అంతే పేరు వచ్చింది. ఈ సినిమా తర్వాత ఆమెకు అన్ని భాషల నుంచి అవకాశాలు వెల్లువెత్తాయి. కానీ ఆచితూచి సినిమాలను ఎంచుకుంటూ చాలా సెలెక్ట్‌డ్‌గా మూవీలను చేస్తూ వస్తోంది. 'మహానటి' సినిమాలో సావిత్రి స్నేహితురాలిగా చిన్న పాత్ర చేసిన ఈ భామ తమిళ్ ఇండస్ట్రీపై ఫోకస్ చేసింది. అక్కడ వరస సినిమాలు చేస్తోంది. అక్కడ 100 పర్సెంట్ లవ్ రీమేక్‌ లో కూడా నటించింది ఈ ముద్దుగుమ్మ. ఇక జీవా 'గోరిల్లా' - కళ్యాణ్ రామ్ '118' సినిమాల్లోనూ షాలిని పాండే కనిపించింది. ఆ తర్వాత రాజ్ తరుణ్ సరసన 'ఇద్దరి లోకం ఒకటే' సినిమాలో నటించింది. కానీ ఈ చిత్రాలేవీ పెద్దగా విజయం సాధించలేదు. నిజానికి 'అర్జున్ రెడ్డి' ఇచ్చిన క్రేజ్ ఈ బ్యూటీ కాపాడుకోలేకపోయింది. మన తెలుగులో కనిపించడం మాత్రం చాలా తక్కువ అయిపోయిందని చెప్పవచ్చు.

తాజాగా బాలీవుడ్ లో ఒకే సారి రెండు సినిమాల్లో ఛాన్సెస్ దక్కించుకున్న షాలిని.. మన జీవితంపై ఆధిపత్యం చెలాయించే వారికి దూరంగా ఉండాలని సూచిస్తోంది. ఎవరైనా మనపై ఆధిపత్యాన్ని చెలాయిస్తే భరించలేమని షాలిని చెప్పింది. మనపై ఆధిపత్యం చెలాయించే అవకాశాన్ని ఎవరికీ ఇవ్వకూడదని తెలిపింది. అలాంటి వారికి దూరంగా ఉండటమే మంచిదని... వారు మనకు ఎంత కావాల్సిన వారైనా సంబంధాలను తెంచుకోవడమే ఉత్తమమని చెప్పింది. అలాంటి వారిని తాను ఒక్క క్షణం కూడా భరించలేనని.. వారిని దూరంగా పెడతానని, లేకపోతే వారికి తాను దూరంగా వెళ్లిపోతానని తెలిపిందట.

షాలిని పాండే ప్రస్తుతం బాలీవుడ్ సూపర్‌స్టార్ రణ్‌వీర్ సింగ్‌కు జోడీగా ‘జయేష్ భాయ్ జోర్దార్’ అనే సినిమాలో నటించే అవకాశం దక్కించుకుంది. ఈ చిత్రాన్ని బాలీవుడ్ బడా ప్రొడక్షన్ హౌజ్ యస్ రాజ్ ఫిల్మ్స్ ప్రొడ్యూసర్స్ గా వ్యవహరిస్తున్నారు. అంతేకాకుండా అనుష్క ప్రధాన పాత్రలో రూపొందిన 'నిశ్శబ్దం' సినిమాలో కూడా నటించింది. ఈ సినిమా కరోనా పరిస్థితుల విడుదల వాయిదా పడింది. లాక్ డౌన్ ఎత్తేసిన తర్వాత రిలీజ్ అయ్యే అవకాశాలున్నాయి. ప్రస్తుతం ఈ రెండు చిత్రాలపైనే షాలిని పాండే ఆశలు పెట్టుకుంది.