స్టార్ హీరో అవకాశం..ఆ హీరోయిన్ కు ఆఫర్లే ఆఫర్లు..!

అర్జున్ రెడ్డి మూవీ ఎంత హిట్ అయ్యిందో ప్రత్యేకంగా చెప్పక్కర్లేదు. ఆ సినిమాతోనే ఓవర్ నైట్ స్టార్ గా విజయ్ దేవరకొండ మారిపోయారు. ఇక ఆ సినిమాలో ముద్దులు - హగ్గులు - రోమాన్స్ కు ఏమాత్రం అడ్డుచెప్పకుండా చెలరేగిపోయింది హీరోయిన్ షాలినీ. ఆ సినిమాతో ఆమె దరిద్రం పోతుందని అంతా భావించారు. కానీ తరువాత తీసిన సినిమాలు ఫ్లాప్ అయ్యాయి. కోలివుడ్ కు వెళ్లినా కలిసిరాలేదు..

అయితే ఇప్పుడు అదృష్టం తలుపుతట్టింది. అర్జున్ రెడ్డి సినిమా చూసి బాలీవుడ్ స్టార్ హీరో రణవీర్ సింగ్.. షాలినీ నటనకు మనసు పారేసుకొని ఏరికోరి తాజాగా తన కొత్త చిత్రం ‘జయేష్ బాయ్ జోర్దార్’ సినిమాలో హీరోయిన్ గా అవకాశం ఇచ్చారు.

టాలీవుడ్ కు దక్షిణాదికి టాటా చెప్పిన ముద్దుగుమ్మ ఇప్పుడు రణ్ వీర్ సింగ్ ఇచ్చిన ప్రోత్సాహంతో బాలీవుడ్ లోనే సెటిల్ కావాలని డిసైడ్ అయ్యింది. చిన్న హీరో రాజ్ తరుణ్ సినిమా ప్రమోషన్ ను కూడా పక్కనపెట్టేసి ముంబైలో వాలిపోయింది. ఇప్పుడు ఓ వెబ్ సిరీస్ లో కూడా బాలీవుడ్ జనాలను పలకరించబోతోంది. కొత్త కుర్రాడు ఆదిత్య రావల్ హీరోగా నటిస్తున్న ‘బమ్ ఫాడ్’ అనే వెబ్ సిరీస్ లో హీరోయిన్ గా షాలినీకి అవకాశం దక్కింది.

ఏప్రిల్ 10 నుంచి జీ5లో ఈ వెబ్ సిరీస్ ప్రసారం కానుంది. ఇప్పుడు రణ్ వీర్ అందించిన ప్రోత్సాహంతో బాలీవుడ్ లో బాగా అవకాశాలను షాలినీ దక్కించుకుంటోందట.. అదీ సంగతీ..