ఫోటో స్టోరీ: సైడ్ యాంగిల్ లో గ్లామర్ షాక్

'అర్జున్ రెడ్డి' విజయం విజయ్ దేవరకొండకు భారీ క్రేజ్ తీసుకొచ్చింది. అదే సినిమాలో హీరోయిన్ గా నటించిన షాలిని పాండే కూడా అద్భుతమైన నటన కనబరిచింది కానీ ఎందుకో విజయ్ స్థాయిలో క్రేజ్ మాత్రం రాలేదు. స్టార్ హీరోల సినిమాల్లో అవకాశాలు రాలేదు కానీ టాలీవుడ్ లో ఆఫర్లయితే ఉన్నాయి. షాలిని మొదట్లో కాస్త బొద్దుగా ఉండేది కానీ తర్వాత మాత్రం జీరో సైజ్ కు మారిపోయింది.

ఈ జెనరేషన్ బ్యూటీల స్టైల్లోనే షాలిని కూడా సోషల్ మీడియాలో చాలా యాక్టివ్ గా ఉంటోంది. హాట్ ఫోటో షూట్లు చేస్తూ నెటిజన్లకు నిద్ర లేకుండా చేయడంలో బీకాం ఫిజిక్స్ పట్టా పుచ్చుకుంది. షాలిని తొలి సినిమానుంచే బోల్డ్ మార్గం ఎంచుకుందని సంగతి తెలుసు కదా.. రౌడీతో లిప్పు లాకులతో హంగామా చేసింది. మరి ఫోటో షూట్ల విషయంలో కూడా ఆ జోరు కొనసాగిస్తోంది. ఈమధ్య బ్లాక్ డ్రెస్ ధరించి అందాలు ఆరబోస్తూ ఒక ఫోటోకు పోజిచ్చింది. సైడ్ యాంగిల్ లో పోజివ్వడంతో గ్లామర్ టన్నుల్లో కనిపిస్తోంది. వెరైటీ హెయిర్ స్టైల్.. ఆ సూపర్ ఎక్స్ ప్రెషన్ చూస్తే ఎవరైనా వాటే బ్యూటీ అనాల్సిందే. ఈ ఫోటో సోషల్ మీడియాలో లైకుల మీద లైకులు వస్తున్నాయి.

ఇక షాలిని కొత్త సినిమాల విషయానికి వస్తే అనుష్క కొత్త సినిమా 'నిశ్శబ్దం' లో ఒక కీలక పాత్రలో నటిస్తోంది. హిందీలో 'జయేష్ భాయ్ జోర్దార్' అనే చిత్రంలో నటిస్తోంది. యష్ రాజ్ ఫిలిమ్స్ బ్యానర్ నిర్మిస్తున్న ఈ సినిమాలో రణవీర్ సింగ్ హీరో. ఈ సినిమా హిట్ అయితే మాత్రం బాలీవుడ్ లో సెటిల్ అయిపోతుందేమో చూడాలి.