అర్జున్ రెడ్డి ప్రీతి జోడి రిపీట్

టాలీవుడ్ సెన్సేషన్ విజయ్ దేవరకొండ ప్రస్తుతం మైత్రీ మూవీ మేకర్స్ బ్యానర్లో 'డియర్ కామ్రేడ్' సినిమాలో నటిస్తున్న సంగతి తెలిసిందే. 'డియర్ కామ్రేడ్' మే రెండోవారంలో రిలీజ్ కానుంది. ఈ సినిమాతో పాటుగా క్రాంతి మాధవ్ దర్శకత్వంలో మరో సినిమాలో కూడా నటిస్తున్నాడు. క్రాంతి మాధవ్ సినిమా తర్వాత విజయ్ నటించబోయే ప్రాజెక్టు గురించి ఈమధ్య డీటెయిల్స్ బయటకు వచ్చాయని తెలిసిందే.

నేషనల్ అవార్డు సాధించిన తమిళ చిత్రం 'కాకా ముట్టై' కు రచయితగా పనిచేసిన ఆనంద్ అన్నామలై విజయ్ కొత్త సినిమాకు దర్శకత్వం వహిస్తాడని.. ద్విభాషా చిత్రంగా తెరకెక్కనున్న ఈ సినిమాలో విజయ్ ఒక బైక్ రేసర్ పాత్రలో నటిస్తాడని అంటున్నారు. ఈ సినిమాను నిర్మించేది మైత్రీ మూవీ మేకర్స్ వారే అని కూడా ఇన్ఫర్మేషన్ బయటకు వచ్చేసింది. ఈ ప్రాజెక్టు గురించి మరో క్రేజీ అప్డేట్ ఇప్పుడు హాట్ టాపిక్ గా మారింది. ఈ సినిమాలో విజయ్ సరసన హీరోయిన్ గా షాలిని పాండేను ఎంపిక చేశారట. 'అర్జున్ రెడ్డి' సినిమాలో విజయ్ - షాలిని జోడీ ఆడియన్స్ ను మెస్మరైజ్ చేసిన సంగతి తెలిసిందే. 'అర్జున్ రెడ్డి' లో విజయ్ తన ఇంటెన్స్ పెర్ఫార్మన్స్ తో ఎంత డామినేట్ చేసినా ప్రీతి క్యారెక్టర్ లో తన బ్రిలియంట్ యాక్టింగ్ తో షాలిని అందరిని ఆకట్టుకుంది.

'అర్జున్ రెడ్డి' జోడీ మరోసారి కలిసి నటించడం ఈ సినిమాను మరింత క్రేజీగా మారుస్తుందనడంలో ఏమాత్రం సందేహం లేదు. 'అర్జున్ రెడ్డి' తర్వాత షాలినికి కొన్ని ఆఫర్లు వచ్చినా అవి ప్రీతి పాత్ర రేంజ్ ను మ్యాచ్ చేయలేకపోయాయి. మరి ఈ సినిమాతో షాలినికి మరోసారి అలాంటి పాత్ర పోషించే అవకాశం దొరుకుతుందేమో వేచి చూడాలి.