సూపర్ స్టార్ తో అర్జున్ రెడ్డి భామ?

అర్జున్ రెడ్డి సినిమాలో హీరోకు ఎంత గుర్తింపు వచ్చిందో చిత్ర యూనిట్ లో మిగతా వారికి కూడా అదే తరహాలో క్రేజ్ పెరిగింది. ముఖ్యంగా హీరోయిన్ షాలిని పాండే నటనకు చాలా మంది ఫిదా అయిపోయారు. బేబీ అంటూ ముద్దుగా పిలవడంతో ఇప్పుడు లవర్స్ కి ఆ డైలాగ్ అలవాటుగా మారిపోయింది. అసలు మ్యాటర్ లోకి వస్తే షాలిని కి ప్రస్తుతం మంచి ఆఫర్స్ అందుతున్నాయి.

ఇప్పటికే కోలీవుడ్ లో కూడా మొదటి అవకాశాన్ని అందుకుంది. సావిత్రి బయోపిక్ లో నటిస్తోన్న సంగతి తెలిసిందే. అయితే ఇప్పుడు టాలీవుడ్ సూపర్ స్టార్ మహేష్ బాబు సినిమాలో కూడా నటించే అవకాశం ఉందని తెలుస్తోంది. మహేష్ తన 25వ చిత్రాన్ని వంశీ పైడిపల్లి దర్శకత్వంలో ఒకే చేసిన సంగతి తెలిసిందే. అయితే ఆ సినిమాలో పూజ హెగ్దే హీరోయిన్ గా ఫిక్స్ అయ్యింది. మరో ముఖ్యమైన లేడి క్యారెక్టర్ కోసం దర్శకుడు షాలిని పాండే ను అనుకుంటున్నట్లు తెలుస్తోంది.

ఇంకా అధికారికంగా చిత్ర యూనిట్ ఈ విషయాన్ని బయటకు చెప్పలేదు గాని దాదాపు ఆమెను ఫిక్స్ చేసినట్లు సమాచారం. దిల్ రాజు - అశ్వినిదత్ నిర్మించనున్న ఈ సినిమా మరి కొన్ని రోజుల్లో స్టార్ట్ కాబోతోంది. ప్రస్తుతం మహేష్ భరత్ అనే నేను సినిమా డబ్బింగ్ పనుల్లో బిజీగా ఉన్నాడు. అలాగే తన సైడ్ నుంచి కూడా ప్రమోషన్స్ పెంచడానికి చాలా ప్రయత్నం చేస్తున్నాడు. ఈ నెల 20న భరత్ అనే నేను సినిమా రిలీజ్ కాబోతోంది.