అస‌లు షాలినికి బికినీ సూటైందా?

2017 క్లాసిక్ `అర్జున్ రెడ్డి`తో షాలినీ పాండే పెద్ద స్క్రీన్ ఎంట్రీ ఇచ్చిన‌ సంగ‌తి తెలిసిందే. ఈ సినిమా విజయ్ దేవరకొండకు మంచి పేరు తెచ్చిపెట్టినప్పటికీ షాలినికి పెద్దగా ఉపయోగపడలేదు. న‌టిగా మార్కులు వేసినా కానీ గ్లామ‌ర్ డాళ్ పాత్ర‌ల‌కు షాలిని సూట్ కాలేద‌ని తిర‌స్క‌రించారు. షాలిని తన అరంగేట్ర స‌మ‌యంలో బొద్దుగా క‌నిపించ‌డం త‌న‌కు మైన‌స్ అయ్యింది. అయితే ఇంత‌లోనే షాలిని పాండే ట్రెండ్ ని ప‌సిగ‌ట్టింది. మార్పు కోసం ప్ర‌య‌త్నించింది. ఇటీవ‌ల లుక్ అనూహ్యంగా మారిపోయింది. టోన్డ్ బాడీతో గుబులు రేపుతోంది. తాజాగా షాలిని రూపురేఖలు ట్రెండీగా మారాయి.

ఇటీవ‌లి ఫోటో సెషన్లలో గర్వంగా తన టోన్డ్ ఫిజిక్ ను ప్రదర్శిస్తోంది. స్లిమ్ లుక్ తో క‌నిపిస్తూనే హాట్ కంటెంట్ ని షాలిని పుష్ చేస్తోంది. తాజాగా మ‌రోసారి ఈ బ్యూటీ అదిరిపోయే పోజులిచ్చింది. పూల్ సైడ్ చిల్లింగ్ లుక్ తో కనిపిస్తోంది. మునుపెన్న‌డూ లేనిది ఈ బ్యూటీ బికినీలో ఎంతో టెంప్టింగ్ గా క‌నిపిస్తోంది. ఈ ఫోటోగ్రాఫ్స్ లో షాలిని గర్వంగా తన ఆబ్స్ ను ఫిట్ ఫిజిక్ ను ప్రదర్శించింది. ప్ర‌స్తుతం ఇది ఇంటర్నెట్ లో వైరల్ గా మారింది.

ఇంత‌కుముందు షాలిని షేర్ చేసిన ఓ ఫోటో సోషల్ నెట్ వర్క్‌లలో వైరల్ గా మారింది. గోవాలోని బాత్ టబ్ లో స్నానం చేసిన తర్వాత రిలాక్సేషన్ కోసం మ‌త్తుగా కనిపించే స్నాప్ షాట్ ని షేర్ చేయ‌గా దానిపై ఇంటర్నెట్ నుండి ట్రోల్స్ ఎదుర‌య్యాయి. సెక్సీ ఫోటోషూట్ కోసం ఈ బ్యూటీ సోషల్ నెట్ వర్కింగ్ సైట్ల‌లో సంచలనంగా మారుతోంద‌న్న విమ‌ర్శ‌లొచ్చాయి. షాలిని చాలా కాలంగా సరైన అవకాశాల కోసం వెతుకుతోంది. తన కెరీర్ లో ఎన్నో మంచి సినిమాలు చేసినా కానీ త‌న‌కు సోలోగా క‌మ‌ర్షియ‌ల్ హిట్టు కావాలి.

ఇక షాలిని వ‌రుస ఫోటోషూట్ల‌తో ఎంత‌గా విరుచుకుప‌డినా కానీ ఒక సెక్ష‌న్ అభిమానుల్లో సంతృప్తి లేదు. త‌న సాంప్ర‌దాయ‌క‌మైన లుక్ మార‌లేద‌ని విమ‌ర్శించేవాళ్లు లేక‌పోలేదు. అందుకే ఇప్పుడు బికినీ లుక్ లో క‌నిపించినా కానీ ఒక సెక్ష‌న్ నుంచి స్పంద‌న వ్య‌తిరేకంగా ఉంది. అర్జున్ రెడ్డి పిల్ల ట‌క్కు ట‌మార విద్య‌లు ఆపాల‌ని కొంద‌రు సూచిస్తే... అస‌లు షాలినికి బికినీ సూటైందా? అంటూ ఫ‌జిల్ వేసారు. మొత్తానికి ఈ బికినీ త‌న‌కు ఎంత‌వ‌ర‌కూ సూటైందో అభిమానులే చెప్పాల్సి ఉంటుందని కొంద‌రు కోరారు.

ఇటీవ‌లే ర‌ణ‌వీర్ స‌ర‌స‌న న‌టించిన `జయేశ్ భాయ్ జోర్డార్` విడుద‌లైంది. ఈ చిత్రం త‌న ఫేట్ మారుస్తుంద‌ని భావించింది షాలిని. కానీ ఆశించిన ఫ‌లితం ద‌క్క‌లేదు. ర‌ణ‌వీర్ - షాలిని న‌ట‌న బావున్నా కానీ సినిమా హిట్ట‌వ్వ‌లేదు. దివ్యాంగ్ ట‌క్క‌ర్ ఈ చిత్రానికి ద‌ర్శ‌క‌త్వం వ‌హించారు. య‌శ్ రాజ్ ఫిలింస్ ఈ మూవీని ప్ర‌తిష్టాత్మ‌కంగా నిర్మించింది.