ఫోటో స్టొరీ: లేడీ అర్జున్ రెడ్డి ఇలా..

'అర్జున్ రెడ్డి' విజయంతో విజయ్ దేవరకొండ యూత్ సెన్సేషన్ గా మారిపోయాడుగానీ హీరోయిన్ షాలినిపాండేకి మాత్రం ఆ రేంజ్ లో క్రేజ్ రాలేదు. మంచి నటనతో.. ఇన్నోసెంట్ లుక్స్ తో.. ఘాటు లిప్ లాకులతో అందరినీ మెప్పించినా కెరీర్ మాత్రం నెమ్మదిగానే సాగుతోంది. ఆ సినిమాలో కాస్త బొద్దుగానే ఉన్న షాలిని ఇప్పుడు జీరో సైజ్ కు మారిపోయి షాక్ ఇస్తోంది.

ఈ జెనరేషన్ బ్యూటీల స్టైల్లోనే షాలిని కూడా సోషల్ మీడియాలో చాలా యాక్టివ్ గా ఉంటోంది. తాజాగా ఈ భామ ఇన్స్టాగ్రామ్ ఖాతా ద్వారా ఒక ఫోటో పోస్ట్ చేసింది. జిమ్ లో కసరత్తులు చేస్తూ..ఆ గ్యాప్ లో తన టీ-షర్ట్ ను పైకి లాగి ఫ్లాట్ స్టమక్ ను చూపిస్తోంది. మరి ఈ సిక్స్ ప్యాక్ యాబ్స్ వెనకున్న కథను కూడా టెక్స్ట్ మెసేజ్ రూపంలో వివరించింది. "మీ హృదయాన్ని ఎవరైనా గాయపరిచారా? మిమ్మల్ని పొందే అర్హత లేని వారిని వదిలేయండి. మిమ్మల్ని మీరు ప్రేమించుకోండి. జిమ్ కు వెళ్ళండి.. చెమట చిందించండి.. ఫైనల్ గా అద్దంలో చూసుకోండి. మిమ్మల్ని మీరు చూసుకుని మురిసిపోండి. మీరు ఎవరిపైనో చూపించే ప్రేమను మీపై మీరు చూపించుకోండి. ఎందుకంటే.. మీకంటే మీ ప్రేమకు అర్హులెవరు?"

ఈ ఫిలాసఫీ అంతా చూస్తుంటే షాలిని ప్రేమలో బ్రేకప్ అయినట్టుగా.. అందులోనుంచి బయటకు వచ్చి.. ఈ కసరత్తుల కార్యక్రమం చేపట్టినట్టుగా అనిపిస్తోంది. ఏదైతెనేం.. హాట్ అండ్ బోల్డ్ షాలిని పాండే ఇప్పుడు జీరో సైజ్ బ్యూటీలాగా మారిపోయి తోటి హీరోయిన్లకు ఫుల్ కాంపిటీషన్ ఇస్తోంది. ఇక షాలిని కొత్త సినిమాల విషయానికి వస్తే నందమూరి కళ్యాణ్ రామ్ హీరోగా తెరకెక్కుతున్న'118' లో హీరోయిన్ గా నటిస్తోంది.