అర్జున్ రెడ్డి బ్యూటీ.. బాలీవుడ్ కాలింగ్!

'అర్జున్ రెడ్డి' సినిమాతో హీరో విజయ్ దేవరకొండ యూత్ సెన్సేషన్ గా మారాడు. డైరెక్టర్ సందీప్ రెడ్డి వంగాకు బాలీవుడ్ లో రీమేక్ ను డైరెక్ట్ చేసే అవకాశం లభించింది. అయితే ఈ సినిమాలో నటించిన హీరోయిన్ షాలిని పాండేకి మాత్రం ఇప్పటి వరకూ క్రేజీ ఆఫర్లు రాలేదు. నటన..బోల్డ్ నెస్ విషయంలో షాలినికి మంచి గుర్తింపే వచ్చింది కానీ బ్రేక్ మాత్రం రాలేదు. తాజాగా ఈ భామ ఒక క్రేజీ డీల్ సైన్ చేసిందని సమాచారం.

ప్రముఖ బాలీవుడ్ నిర్మాణ సంస్థ యష్ రాజ్ ఫిలిమ్స్ వారితో మూడు సినిమాల కాంట్రాక్ట్ సైన్ చేసింది. యష్ రాజ్ బ్యానర్ లో అవకాశం దక్కడమే చాలా కష్టం. సక్సెస్ రేట్ ఎక్కువ ఉన్న నిర్మాణ సంస్థ కాబట్టి షాలిని కెరీర్ కు ఈ డీల్ బిగ్ బూస్ట్ ఇవ్వడం ఖాయమే. ఈ మూడు సినిమాలలో ఒక సినిమాలో రణవీర్ సింగ్ సరసన నటించే అవకాశం ఉందని కూడా వార్తలు వచ్చాయి. తెలుగులో షాలినికి పెద్దగా బ్రేక్ రాలేదు కానీ 'అర్జున్ రెడ్డి' ద్వారా వచ్చిన గుర్తింపు ఇప్పుడు ఏకంగా బాలీవుడ్ ఆఫర్ తెచ్చిపెట్టింది.

నిజానికి షాలిని గత కొంతకాలంగా జిమ్ బాట పట్టి ఫిట్నెస్ పై ఫోకస్ చేసింది.. పర్ఫెక్ట్ షేప్ కోసం కఠినమైన కసరత్తులు చేస్తూ మంచి ఆఫర్లపై కన్నేసింది. ఎప్రోచ్ కరెక్ట్ గా ఉండడంతో మంచి రిజల్ట్ వచ్చింది. మూడు బాలీవుడ్ సినిమాల్లో ఏ ఒక్కటి హిట్ గా నిలిచినా షాలిని కెరీర్ సెట్ అయిపోయినట్టే.