అర్జున్ బేబీ సింగింగ్ టచ్..

2017 ను ఎవ్వరు మర్చిపోయినా అర్జున్ రెడ్డి లో నటించిన నటీనటులు మాత్రం అస్సలు మరచిపోలేరు. ఒక్కసారిగా చిత్ర యూనిట్ తలరాతలను మార్చేసిన ఆ సినిమా టాలీవుడ్ లో ట్రెండ్ సెట్ సినిమాగా నిలిచింది. యువతకు బాగా కనెక్ట్ అయిన ఆ సినిమాపై ఇప్పటికి గ్రూప్ డిస్కర్షన్స్ జరుగుతున్నాయంటే ఏ రేంజ్ లో పాకిందో అర్థం చేసుకోవచ్చు. ఇక అసలు విషయానికి వస్తే.. ఆ సినిమాలో బేబీ అంటూ ప్రీతి పాత్రలో అందంగా కనిపించిన శాలిని పాండే కు స్పెషల్ ఇమేజ్ వచ్చింది.

ప్రస్తుతం తెలుగు తమిళ్ లో వరుసగా ఆఫర్స్ ని అందుకుంటుంది. అయితే సినిమాలో బేబీ అంటూ హార్ట్ ని టచ్ చేసిన ఈ బ్యూటీ ఇప్పుడు కొత్త అవతారం ఎత్తింది. తనలోని సరికొత్త టాలెంట్ ని ప్రేక్షకులకు చూపించడానికి రెడీ అవుతోంది. షాలిని పాటలను చాలా బాగా పాడుతుందట. ముందుగా ఈ విషయం పెద్దగా ఎవరికి తెలియకపోయినప్పటికి రీసెంట్ గా రిలీజ్ చేసిన ఒక ప్రోమో ద్వారా క్లారిటీ వచ్చేసింది. అసలు పాడింది షాలినేనా అనే కామెంట్స్ వినిపిస్తున్నాయి.

ప్రేమికుల రోజు కానుకగా నా ప్రాణమై అనే ప్రయివేట్ సాంగ్ తో షాలిని లవ్ టచ్ ని ఇవ్వబోతోంది. ఇండియన్ పాప్ రాక్ బ్యాండ్ లగొరి కంపోజ్ చేసిన మ్యూజిక్ కి షాలిని శ్రుతి కరెక్ట్ గా సెట్ అయ్యింది. పాడింది ఒక లైన్ అయినా చాలా స్వీట్ గా ఉందనే కామెంట్స్ వినిపిస్తున్నాయి. ఇక ఫుల్ సాంగ్ ని ఈ నెల 14న రిలీజ్ చేయబోతున్నారు. ప్రస్తుతం షాలిని కోలీవుడ్ లో 100% కాదల్ అనే సినిమాలో నటిస్తోంది. జీవి.ప్రకాష్ కుమార్ ఆ సినిమాలో హీరోగా నటిస్తున్నాడు.