ప్ర‌పంచం అందుకే త‌న‌ను ప్రేమిస్తోంద‌న్న షామా

టెలివిజన్ నటి షామా సికందర్ కాస్మెటిక్ స‌ర్జ‌రీపై ర‌క‌ర‌కాల పుకార్లు షికార్ చేసిన సంగ‌తి తెలిసిందే. అయితే ఇలాంటి వాటిపై ఎవరికీ వివరణ ఇవ్వాల్సిన అవసరం లేదని షామా ఇంత‌కుముందు అన్నారు. గత ఏడాది సోషల్ మీడియాలో దారుణ‌మైన‌ ట్రోలింగ్ కి గురైన షామా త‌న‌పై వ‌చ్చిన‌వ‌న్నీ అర్థం లేని ఆరోపణలు అంటూ సీరియ‌స్ అయ్యారు.

నేను ఏదో తప్పు చేశానని ఏదీ తెలియ‌క‌పోయినా ట్రోల్ చేస్తున్నారు. నా జీవితం ఇది.. నేను కోరుకున్నది చేయగలను.. నేనేం చేశానో మీకు తెలియ‌నే తెలియదు! అని షామా అన్నారు. ఆ త‌ర‌వాత లైఫ్ ని ఛాలెంజింగ్ గా తీసుకున్నాన‌ని తెలిపారు.

ఇటీవ‌ల సోష‌ల్ మీడియాల్లో వ‌రుస ఫోటోషూట్ల‌తో షామా త‌న అభిమానుల‌ను అల‌రిస్తున్నారు. ఇన్ స్టా వేదిక‌గా భారీ ఫాలోయింగ్ ని పెంచుకున్నారు. షామా షేర్ చేసిన మ‌రో బోల్డ్ ఫోటోషూట్ అంత‌ర్జాలంలో వైర‌ల్ గా మారింది. వైట్ ఫ్రాక్ లో స్మైలీ లుక్ తో కనిపించిన షామా ఎంతో ప్లెజెంట్ గా క‌నిపిస్తున్నారు. ఆమె ఎంతో ప్ర‌త్యేక‌మైన‌ది.. అందుకే ఈ ప్ర‌పంచం ప్రేమిస్తుంది! అని షామా వ్యాఖ్య‌ను జోడించారు. కెరీర్ ప‌రంగా బుల్లితెర‌పై బిజీగా ఉన్న షామాశికంద‌ర్ 2019లో బైపాస్ రోడ్ అనే చిత్రంలో న‌టించారు. ఆ త‌రవాత బాలీవుడ్ లో స‌రైన‌ అవ‌కాశాలు రాలేదు. ప్ర‌స్తుతం సౌత్ లోనూ అవ‌కాశాల కోసం ప్ర‌య‌త్నిస్తున్నార‌ని తెలిసింది.