రోబోల‌కు శంక‌ర్-ర‌జిని ఆయుధ పూజ

స్టార్ డైరెక్ట‌ర్ శంక‌ర్ చాలా వ‌ర‌కు మోడ‌ర్న్ సినిమాలే తీస్తుంటాడు. కానీ నేటివిటీని.. క‌ల్చ‌ర్ ను మాత్రం మ‌రిచిపోడు. ‘రోబో’ లాంటి అల్ట్రా మోడ‌ర్న్ మూవీలో సైతం ఇది గ‌మ‌నించ‌వ‌చ్చు. శంక‌ర్ సంప్ర‌దాయాల్ని అంత‌గా గౌర‌విస్తాడు కాబ‌ట్టే విజ‌య‌ద‌శ‌మి నేప‌థ్యంలో రోబో-2 సెట్లో సైతం ఆయుధ పూజ నిర్వ‌హించాడు. శంక‌ర్ తో పాటు హీరో ర‌జినీకాంత్.. హీరోయిన్ అమీ జాక్స‌న్‌.. నిర్మాత‌లు.. ఇత‌ర యూనిట్ స‌భ్యులంద‌రూ ఈ పూజ‌లో పాల్గొన్నారు. ర‌జినీ.. శంక‌ర్.. అమీల‌కు పూల మాల‌లు వేసి ఈ పూజ నిర్వ‌హించడం విశేషం.

ఆయుధ పూజ అంటే సెట్లో ఉన్న కెమెరా స‌హా అన్ని వ‌స్తువుల‌తో పాటు రోబోల‌కు కూడా పూజ‌లు నిర్వ‌హించి ఉంటారేమో. ఇక ‘2.0’ ప్రోగ్రెస్ విష‌యానికి వ‌స్తే ఇప్ప‌టికే మూడింట రెండొంతుల షూటింగ్ పూర్త‌యిన‌ట్లు ఇటీవ‌లే ప్ర‌క‌టించాడు శంక‌ర్. 100 రోజుల షూటింగ్ అనంత‌రం ఓ రెండు నెల‌లు విరామం తీసుకున్న శంక‌ర్.. మ‌ళ్లీ విరామం లేకుండా షూటింగ్ చేస్తున్నాడు. అనారోగ్యం నుంచి కోలుకున్న ర‌జినీకాంత్ గ‌త నెల నుంచి షూటింగ్ లో పాల్గొంటున్నాడు. ఈ న‌వంబ‌ర్లోనే ‘2.0’ లోగో.. ఫ‌స్ట్ లుక్ రిలీజ్ చేస్తార‌ని స‌మాచారం. వచ్చే ఏడాది ద్వితీయార్ధంలో సినిమా ప్రేక్ష‌కుల ముందుకొస్తుంది. షూటింగ్ పూర్త‌య్యాక ఆరు నెల‌ల పాటు పోస్ట్ ప్రొడ‌క్ష‌న్ ప‌నుల్లో నిమ‌గ్నం కాబోతున్నాడు శంక‌ర్‌. ఈ సినిమా బ‌డ్జెట్ రూ.400 కోట్లు కావ‌డం విశేషం.

Like Us on Facebook : https://www.facebook.com/Tupakidotcom/