రోబో-2.. అది జస్ట్ టెస్ట్ షూట్ మాత్రమే

ఇండియాస్ బిగ్గెస్ట్ బడ్జెట్ మూవీ సరిగ్గా నెల రోజుల కిందట మొదలైన సంగతి తెలిసిందే. ఐతే ప్రారంభోత్సవం జరిగిన కొన్ని రోజుల్లోనే రజినీ వశీకరణ్, చిట్టి అవతారాల్లో కనిపించడంతో ఈసారి శంకర్ యమ స్పీడు మీదున్నాడు.. శరవేగంగా షూటింగ్ పూర్తి చేసేస్తున్నాడు అని అందరూ భ్రమల్లో పడిపోయారు. ఐతే గత నెలలో నిజానికి ‘రోబో-2’ షూటింగ్ ఏమీ జరగలేదట. అసలు షూటింగ్ సంక్రాంతి సందర్భంగా మొదలైందట. ఈ సంగతి ట్విట్టర్ ద్వారా స్వయంగా శంకరే వెల్లడించాడు. ఇక రోబో-2 షూటింగ్ ఏకధాటిగా జరుగుతుందని శంకర్ ప్రకటించాడు.

గత నెలలో కేవలం టెస్ట్ షూట్లు మాత్రమే చేశారట. ఓ ఇంటర్నేషనల్ మేకప్ మన్ వచ్చి రజినీని వశీ, చిట్టి పాత్రలకు తగ్గట్లు మార్చాక.. శంకర్ ట్రయల్ షూట్ చేశాడట. హీరోయిన్ అమీ జాక్సన్ ను కూడా రోబో అవతారంలోకి మార్చి టెస్ట్ షూట్ చేశారు. అంతా ఓకే అనుకున్నాక ఇక షూటింగ్ మొదలుపెట్టొచ్చు అనుకుని.. రజినీని ‘కబాలి’ కోసం రిలీజ్ చేశాడట శంకర్. ప్రస్తుతం రజినీ కబాలి లాస్ట్ షెడ్యూల్ షూటింగులో పాల్గొంటున్నాడు. అదవ్వగానే పూర్తిగా రోబో-2కే అంకితమైపోతాడు. విలన్ గా నటించబోతున్న అక్షయ్ కుమార్ వచ్చే నెలలో వచ్చి జాయినవుతాడు. ప్రస్తుతం రోబో-2 కోసమే అతను కొన్ని స్టంట్లు నేర్చుకుంటున్నాడు. రోబో-2 ఈ ఏడాది విడుదలయ్యే అవకాశాలు దాదాపు లేనట్లే. వచ్చే ఏడాది వేసవికి ప్రేక్షకుల ముందుకొచ్చే అవకాశముంది.