శంకర్ సార్.. టూ ఫాస్ట్ సుమీ

సౌత్ సూపర్ స్టార్ రజినీకాంత్ ఒక సారి ఒక సినిమా చొప్పున వరుసగా చేయడమే అరుదు. అలాంటిది ఒకేసారి రెండు మూవీస్ కి వర్క్ చేయడమంటే అదో పెద్ద రికార్డ్ అనాల్సిందే. ప్రస్తుతం కబాలితో పాటు డైరెక్టర్ శంకర్ తీస్తున్న రోబో సీక్వెల్ కూడా చేసేస్తున్నారు సూపర్ స్టార్. దీనికి 2.0 అనే టైటిల్ ఫిక్స్ అయిపోయింది కూడా.

రీసెంట్ గా రజినీకాంత్ బర్త్ డే రోజున రోబో పార్ట్ 2 షూటింగ్ ప్రారంభమైంది. ఇప్పటికి 2 వారాలు కూడా కంప్లీట్ కాలేదు. అప్పుడే తొలి షెడ్యూల్ కి ముగింపు డేట్ కూడా వచ్చేసింది. ఈ నెల 30న ఈ మూవీ ఫస్ట్ షెడ్యూల్ ని క్లోజ్ చేయబోతున్నారు. సాధారణంగా శంకర్ సినిమా అంటే.. ఏళ్లకు ఏళ్లు పడుతుంది. అసలు తను తీసిన త్రీఈడియట్స్ రీమేక్ తప్ప.. వేరే సినిమా దేన్నీ కూడా రెండేళ్లకు తక్కువ తీసిన రికార్డ్ లేదు. మరోవైపు రజినీకాంత్ కూడా అంతే. పర్ఫెక్షన్ పేరుతో కొన్నిసార్లు ఎక్కువ టైంనే తీసుకుంటూ ఉంటారు సూపర్ స్టార్. అఫ్ కోర్స్.. ఈ మధ్య స్పీడ్ పెంచారనుకోండి.

ఇప్పడుు రజినీకాంత్ - శంకర్ కాంబినేషన్ లో తెరకెక్కుతున్న చిత్రం.. పట్టుమని 20 రోజులు కూడా గడవకుండానే షెడ్యూల్ పూర్త చేసుకోవడం చిన్న విషయమేం కాదు. మరోవైపు రోబో 2.0లో బాలీవుడ్ స్టార్ హీరో అక్షయ్ కుమార్ విలన్ రోల్ చేస్తున్న విషయం తెలిసిందే. అమీ జాక్సన్ ఈ ప్రెస్టీజియస్ మూవీలో హీరోయిన్. ఇంత పెద్ద స్టార్ కేస్టింగ్ పెట్టుకుని.. ఇంత షార్ట్ పీరియడ్ లో షూటింగ్ చేసేస్తుండడమంటే.. శంకర్ సార్., మీరు మరీ ఫాస్ట్ సుమీ.