శృతికి ఐశ్వర్య రేంజ్ వచ్చేసిందోచ్

రోబో 2 ప్రాజెక్ట్ కి రెడీ అయిపోతున్నాడు క్రియేటివ్ డైరెక్టర్ శంకర్. ఇండియాలోనే బిగ్గెస్ట్ హిట్ కొట్టాలనే కసితో.. సర్వం సిద్ధం చేసుకుంటున్నాడు. ఇప్పటికే స్టోరీ విషయంలో తుది మెరుగులు దిద్దుతున్నారు ఓ టీం. మరోవైపు కాస్టింగ్ ని ఫైనలైజ్ చేస్తున్నాడు శంకర్.

రోబో మూవీ కోసం రజినీకాంత్ పక్కన ఐశ్వర్యారాయ్ ను తీసుకుని స్టార్టింగ్ లోనే శంకర్ సంచలనం సృష్టించాడు అప్పట్లే. ఇప్పుడు మరో సెన్సేషన్ కి సిద్ధమైపోతున్నాడు. భాషతో సంబంధం లేకుండా.. గోల్డెన్ లెగ్ అనిపించుకుంటూ సెన్సేషనల్ హిట్స్ కొడుతున్న శృతిహాసన్.. రోబో2లో నాయికగా ఎంపికయినట్లు తెలుస్తోంది. ఇంకా అధికారికంగా ప్రకటించలేదు కానీ.. న్యూస్ కన్ఫాం అయితే మాత్రం ఇదో వింతగానే చెప్పుకోవాలి.

రజినీకాంత్ - శృతి తండ్రి కమల్ హాసన్.. ఒకేసారి ఇండస్ట్రీలోకొచ్చి కష్టపడి ఈ స్థాయికి చేరిన వ్యక్తులు. అప్పట్లో కలిసి కనిపించేవారు కానీ.. ఈ ఇద్దరు దిగ్గజాలు కలిసి పని చేసి దశాబ్దాలు దాటిపోయింది. ఇప్పుడు రజినీ పక్కన కమల్ కూతురు నటించడమంటే అది చాలా పెద్ద న్యూస్. తండ్రి స్నేహితుడికి హీరోయిన్ గా నటించడమంటే.. చాలా గట్స్ కావాలి. అందులోనూ ఈ భామ చిన్నప్పటినుంచి ఎన్నిసార్లు రజినీ ఇంటికెళ్లుంటుంది, అంకుల్ అని పిలుచుంటుంది అని ఆలోచిస్తే.. అబ్బో పెద్ద కథే ఉంటుంది. కళ్లెదురుగా పుట్టి పెరిగిన పిల్లతో.. రొమాన్స్ చేయాలంటే.. రజినీకి ఎన్ని గట్స్ ఉండాలి ? ఏమైనా ఈ కాంబినేషన్ వర్కవుట్ అయితే మాత్రం పెద్ద వింతే.