శంకరాభరణంకి సెన్సార్ పూర్తి!!

నిఖిల్ - నందిత జంటగా నటించిన శంకరాభరణం రిలీజ్ కి రెడీ అయింది. యంగ్ హీరో నిఖిల్ నటించిన శంకరాభరణంను యాక్షన్ కామెడీగా తెరక్కించారు. కొత్త డైరెక్టర్ ఉదయ్ నందనవనం ఈ చిత్రానికి దర్శకత్వ బాధ్యతలు వహించాడు. అయితే.. ఉదయ్ పేరు కనిపిస్తున్నా.. రైటర్ కోన వెంకట్ తనే డైరెక్షన్ చేసేశాడన్నది ఇండస్ట్రీ టాక్. ఇప్పటికే రిలీజ్ అయిన టీజర్ - ట్రైలర్ లకు విపరీతమైన రెస్పాన్స్ వచ్చింది. శాటిలైట్ బిజినెస్ కూడా క్రేజీగానే ఉంది.

కొన్ని వారాల క్రితమే షూటింగ్ - పోస్ట్ ప్రొడక్షన్ కంప్లీట్ చేసుకున్న ఈ చిత్రాన్ని.. ఇప్పుడు సెన్సార్ కూడా చేయించేశారు. చిన్నపాటి కట్స్ విధించిన బోర్డ్.. యూ/ఏ సర్టిఫికెట్ ఇచ్చింది. మొత్తం 2గంటల 26 నిమిషాల రన్ టైం ఉంటుంది. ఇప్పుడొస్తున్న సినిమాలతో పోల్చితే.. ఇది కొంచెం నిడివి ఎక్కువే. అయితే.. తన మూవీలో కంటెంట్, కామెడీపై కాన్ఫిడెంట్ గా ఉన్నాడు కోన. అందుకే లెంగ్త్ ఎక్కువైనా సరే.. ఇంతే కొనసాగించాలని డిసైడ్ అయ్యాడు. హిందీ చిత్రం ఫస్ గయారే ఒబామా చిత్రానికి ఇధి రీమేక్.

సెన్సార్ పూర్తి చేయడంతో ఏ డేట్ కయినా రిలీజ్ కి సిద్ధం అనే స్టేజ్ కి శంకరాభరణం చేరుకుంది. అయితే.. 3 వారాలుగా సెన్సార్ చేయించకుండా.. ఇప్పుడు హఠాత్తుగా పంపడం ఆశ్చర్యకరమని చెప్పాలి. ముందుగా చెప్పిన రిలీజ్ డేట్ ఇంకా 15 రోజులుపైగా ఉండడంతో.. రిలీజ్ లో కాస్త అడ్వాన్స్ అయ్యే అవకాశాలున్నాయని వినిపిస్తోంది.