మ‌ళ్లీ వ‌చ్చేస్తున్న శంక‌రాభ‌ర‌ణం మేక‌ర్స్

తెలుగులో క్లాసిక‌ల్ మూవీగా నిలిచిన చిత్రం 'శంక‌రా భ‌ర‌ణం'. శాస్త్రీయ సంగీతానికి, మాన‌వ‌తా విలువ‌ల‌కు పెద్ద పీట వేస్తూ క‌ళాత‌ప‌స్వీ కె. విశ్వ‌నాథ్ తెర‌కెక్కించిన అద్భుతం ఈ చిత్రం. ఈ మూవీతో పాటు ఎన్నో అత్యుత్త‌మ చిత్రాల‌ని అందించి తెలుగు చిత్ర సీమ‌లో త‌మ‌కంటూ ప్ర‌త్యేక‌త‌ని చాటుకున్నారు సూర్ణోద‌య మూవీ క్రియేష‌న్స్ అధినేత ఏడిద నాగేశ్వ‌ర‌రావు. ఆయ‌న త‌రువాత ఈ సంస్థ‌ని మ‌ళ్లీ వారి వార‌సులు పున‌రుద్థ‌రించ‌లేదు. కానీ ఆ త‌రువాతి త‌రం మ‌ళ్లీ సినిమాల నిర్మాణం చేప‌ట్టింది.

శ్రీ‌జ ఎంట‌ర్ టైన్ మెంట్స్ బ్యాన‌ర్ పై ఏడిద శ్రీ‌రామ్ స‌మ‌ర్ప‌ణ‌లో ఏడిద శ్రీ‌రామ్ కూతురు ఏడిద శ్రీ‌జ నిర్మాణ రంగంలోకి అడుగుపెడుతున్నారు. ఆమె నిర్మిస్తున్న తాజా చిత్రం 'ఫ‌స్ట్ డే ఫ‌స్ట్ షో'.

ఈ చిత్రానికి 'జాతిర‌త్నాలు' ఫేమ్ అనుదీప్ కె.వి స్టోరీ, స్క్రీన్ ప్లే, డైలాగ్స్ అందిస్తున్నారు. వంశీధ‌ర్ గౌడ్‌, ల‌క్ష్మీ నారాయ‌ణ .పి ఈ సినిమా ద్వారా ద‌ర్శ‌కులుగా ప‌రిచ‌యం కాబోతున్నారు. ఫ్యాన్స్ ఫ‌స్ట్ డే ఫ‌స్ట్ షో సినిమా చూడాల‌ని టికెట్ ల కోసం ఎదురుచూస్తుంటారు.

ఇదే క‌థ‌ని ఎంట‌ర్ టైన్ మెంట్ ని జోడీంచి వంశీధ‌ర్ గౌడ్‌, ల‌క్ష్మీ నారాయ‌ణ .పి తెర‌కెక్కించ‌బోతున్నారు. విభిన్న‌మైన క‌థ‌, క‌థ‌నాల‌తో ఆద్యంతం వినోద‌భ‌రితంగా తెర‌కెక్క‌నున్న ఈ మూవీలోశ్రీ‌కాంత్ రెడ్డి, సంచిత బ‌సు ప్ర‌ధాన పాత్ర‌ల్లో న‌టిస్తున్నారు.

'జాతిర‌త్నాలు' చిత్రాన్ని ఫ‌న్ ఎంట‌ర్ టైన‌ర్ గా తెర‌కెక్కించి బ్లాక్ బ‌స్ట‌ర్ హిట్ ని సొంతం చేసుకున్న అనుదీప్ కె.వి ఈ చిత్రానికి క‌థ‌, స్క్రీన్ ప్లే, డైలాగ్స్ అందిస్తుండ‌టంతో ఈ చిత్రంపై స‌హ‌జంగానే అంచ‌నాలు మొద‌ల‌య్యాయి.

కొత్త క‌థ‌తో అభిమానులని విశేషంగా ఆక‌ట్టుకునే క‌థ‌నంతో రూపొందుతున్న ఈ చిత్రానికి సంగీతం ర‌ధ‌న్‌, స్క్రీన్ ప్లే అనుదీప్‌, క‌ల్యాన్‌, వంశీధ‌ర్ గౌడ్‌, డైలాగ్స్ అనుదీప్ కె.వి, ఫొటోగ్ర‌ఫీ ప్ర‌శాంత్ అంకిరెడ్డి, ఎడిటింగ్ మాధ‌వ్‌, ఆర్ట్ సీహెచ్ శంక‌ర్‌, పాట‌లు రామ‌జోగ‌య్య‌శాస్త్రి, వంశీధ‌ర్ గౌడ్‌, వాసు.