బాహుబలిని కొనేసిన పవన్ విలన్

కొన్ని సందర్భాల్లో అంతే.. ఊహించని పరిణామాలు చోటు చేసుకుంటుంటాయి. రీల్ లైఫ్ లో విలన్ గా దర్శనమిచ్చే అతగాడు.. ఇప్పుడు మోస్ట్ ఎవైటింగ్ మూవీ బాహుబలిని సొంతం చేసుకోవటం హాట్ టాపిక్ గా మారింది. కమర్షియల్ గా కాసులు రాలని.. పవన్ కల్యాణ్ మూవీ సర్దార్ గబ్బర్ సింగ్ లో విలన్ గా యాక్ట్ చేసిన షారద్ కేల్కర్ బాహుబలి కంక్లూజన్ ను సొంతం చేసుకున్నారన్న సమాచారం ఇప్పుడు ఇండస్ట్రీలో హాట్ టాపిక్ మారింది. జిమ్ ట్రైనర్ గా షురూ చేసి.. బుల్లితెర మీద ఫేమస్ అయి.. పలు కార్యక్రమాల్లో బిజీబిజీగా ఉండే షారద్ కేల్కర్ పలు మరాఠీ.. హిందీ సినిమాల్లో నటించారు. అప్పుడెప్పుడో 1980 లలోనే దూరదర్శన్ ద్వారా టీవీ చానల్ లోకి కాలు మోపిన అతగాడు.. అంతకంతకూ ఎదిగారు.

సర్దార్ గబ్బర్ సినిమా కమర్షియల్ గా సక్సెస్ కాకపోవటంతో ఈ సినిమాలో నటించిన వారికి వచ్చిన పేరు అంతంత మాత్రమేనని చెప్పక తప్పదు. ఆ కోటాలోనే విలన్ క్యారెక్టర్ సైతం ప్రజల మనసుల్లో రిజిస్టర్ చేసుకోలేదని చెప్పకతప్పదు. ఇదిలా ఉంటే.. తన నిర్ణయంతో ఇండస్ట్రీలోనే ఆసక్తికర చర్చగా మార్చారు సర్దార్ గబ్బర్ సింగ్ మూవీలో విలన్ గా నటించిన షారద్ కేల్కర్.

మరికొద్ది రోజుల్లో వెండి తెర మీద సంచలనాలు సృష్టించేందుకు రానున్న బాహుబలి హిందీ వెర్షన్ ను తాను కొనుగోలు చేసినట్లుగా వెల్లడించారు . బాహుబలి 2 హిందీ మూవీకి తాను తీసుకొచ్చే అవకాశం కల్పించిన చిత్ర దర్శకుడు ఎస్ ఎస్ రాజమౌళికి ఆయన థ్యాంక్స్ చెప్పుకొచ్చారు. బాహుబలి హిందీ రైట్స్ ను సొంతం చేసుకున్న తర్వాత.. ట్విట్టర్ లో విషయాన్ని అధికారికంగా కన్ఫర్మ్ చేసేశారు. ప్రిస్టేజస్ మూవీలో తనను భాగస్వామ్యం వారందరికీ థ్యాంక్స్ చెప్పేశారు. ఏప్రిల్ 28న ప్రేక్షకుల ముందుకు రానున్న బాహుబలి 2 మూవీకి సంబంధించిన భారీ కార్యక్రమాన్నిముంబయిలో నిర్వహించనున్నట్లుగా వెల్లడించారు. ఫ్యాన్సీ రేటుకు కొనుగోలు చేసిన పవన్ విలన్ ఏ దరికి చేరతారన్నది బాహుబలి 2 సినిమా విడదలయ్యాకే తెలుస్తుందని చెప్పకతప్పదు.

Like Us on Facebook : https://www.facebook.com/Tupakidotcom/