ఫోటో స్టోరి: లాయ‌ర్ మ్యాడ‌మ్ బోల్డ్ అవ‌తార్

త‌న‌దైన అందం ప్ర‌తిభ ఉన్నా మాళ‌విక శ‌ర్మ ఎందుక‌నో టాలీవుడ్ లో విజ‌యాల్ని ద‌క్కించుకోలేక‌పోయింది. ర‌వితేజ లాంటి అగ్ర హీరో స‌ర‌స‌న నేల‌టిక్కెట్టు చిత్రంలో న‌టించింది. కానీ అదృష్టం క‌లిసి రాలేదు. ఆ త‌ర్వాత రామ్ స‌ర‌స‌న థ్రిల్ల‌ర్ మూవీ `రెడ్` కూడా మాళ‌విక‌కు క‌లిసి రాలేదు. అయినా ఈ అమ్మ‌డి అందానికి ప్ర‌తిభ‌కు ఫిదా అయ్యి మ‌న ద‌ర్శ‌క‌నిర్మాత‌లు అవకాశాలు క‌ల్పిస్తున్నారు.

ఉత్త‌రాది బ్యూటీ మాళ‌విక ప్ర‌స్తుతం హైద‌రాబాద్ లోనే స్థిర‌ప‌డి సినీప‌రిశ్ర‌మ అవ‌కాశాల కోసం ప్ర‌య‌త్నిస్తోంది. ఇక్క‌డే హైకోర్ట్ లో జూనియ‌ర్ లాయ‌ర్ గా ప్రాక్టీస్ చేస్తున్నార‌ని ఇంత‌కుముందు క‌థ‌నాలొచ్చాయి. లాక్ డౌన్ స‌మ‌యంలో హైద‌రాబాద్ హైకోర్టులో జూనియ‌ర్ లాయ‌ర్ గా మాళ‌విక‌ ప్రాక్టీస్ చేసింది. క్రిమిన‌ల్ సైకాల‌జీలో డిగ్రీ సాధించిన మాళ‌విక‌.. లాయ‌ర్ గానూ వృత్తిని కొన‌సాగించాల‌ని పంతంతో ఉంది. మ‌రోవైపు న‌టిగా కెరీర్ ని బ్యాలెన్స్ చేయాల‌ని ప్ర‌య‌త్నిస్తోంది.

అలాగే సోషల్ మీడియాల్లో వ‌రుస ఫోటోషూట్ల‌తో మాళ‌విక అన్ లిమిటెడ్ ట్రీట్ అంతే హీట్ పెంచేస్తోంది. తాజాగా మాళ‌విక కిల్ల‌ర్ లుక్ అభిమానుల్లో వైర‌ల్ గా మారింది. బ్లాక్ ఫ్రాక్ లో మాళ‌విక బోల్డ్ లుక్ లో ప్ర‌త్య‌క్ష‌మైందిలా. ఆ మెడ‌లో గోల్డ్ లాకెట్ అలా అందంగా ఒదిగిపోయింది. అభిమానులు ప్ర‌స్తుతం ఈ ఫోటోని అంత‌ర్జాలంలో వైర‌ల్ చేస్తున్నారు.