చొక్కాలు చించుకుని రోడ్డున ప‌డ్డ హీరోలు

హీరోలు చొక్కాలు చింపుకున్నారు.. ఆపై నువ్వా నేనా? అంటూ బాహాబాహీకి దిగారు. దీంతో బోలెడంత ర‌చ్చ జ‌రిగింది. ఆ స‌న్నివేశాన్ని చూసేందుకు ప్ర‌జ‌లు ఎగ‌బ‌డ్డారు. ఇంత‌కీ న‌డి బ‌జార్ లో చొక్కాల్లేకుండా కొట్టుకున్న ఆ ఇద్ద‌రు హీరోలు ఎవ‌రో తెలియాలంటే వివ‌రాల్లోకి వెళ్లాలి.

వార్ ద‌ర్శ‌కుడు సిద్ధార్థ్ ఆనంద్ `పఠాన్‌` చిత్రాన్ని తెర‌కెక్కిస్తున్న సంగ‌తి తెలిసిందే. ఈ మూవీలో ఇద్ద‌రు హీరోలు ఫేసాఫ్ కి దిగుతున్నారు. `హీరో` షారుక్‌ ఖాన్ వ‌ర్సెస్ `విలన్‌` జాన్‌ అబ్రహం ఎపిసోడ్స్ రంజుగా సాగ‌నున్నాయ‌ని తెలిసింది. పఠాన్ కోసం `ఫైట్‌ ఆఫ్‌ ద ఇయర్` ని చిత్రీక‌రిస్తున్నారు. ఆ ఇద్ద‌రి న‌డుమా క్లైమాక్స్ ఫేస్ ఆఫ్ ఒక‌రిపై ఒక‌రు ప‌డి కొట్టుకునేలా ఉంటుంద‌ట‌. పిడికిళ్లు బిగించి పిడిగుద్దుల‌తో విరుచుకుప‌డతార‌ని తెలిసింది. షర్టు లెస్ గా షారూఖ్ కి ఇది మొదటి ఆన్ స్క్రీన్ యాక్షన్ సీక్వెన్స్ అని చెబుతున్నారు. ఇక జాన్ ఇబ్ర‌హాం చొక్కా విప్పి మీద ప‌డ‌డంలో స్పెష‌లిస్ట్. అలాంటి ఒక భీక‌ర‌మైన పోరాట స‌న్నివేశం ప‌ఠాన్ గ్రాఫ్ ని అమాంతం పీక్స్ కి చేరుస్తుంద‌ని ద‌ర్శ‌కుడు చెబుతున్నారు.

దర్శకుడు సిద్ధార్థ్ ఆనంద్ మాట్లాడుతూ-``జాన్ అబ్రహం పఠాన్ లో కీల‌క విల‌న్. హీరో కంటే విలన్ ప్రొజెక్షన్ అత్యంత భారీగా ఉండాలనేది నా నమ్మకం. విలన్ భారీగా ఉన్నప్పుడు మాత్రమే వారి మధ్య గొడవ అద్భుతంగా ఉంటుంది. అందుకే ఈ భీక‌ర పోరాటాన్ని సృష్టించాం. క్లైమాక్స్ అద్భుతంగా ఉంటుంది. ఇద్దరి మధ్య ఘర్షణ ర‌క్తిక‌ట్టిస్తుంది`` అని ఆనంద్ వెల్లడించాడు. SRK జాన్ తో తలపడినప్పుడు అసాధారణమైన యుద్ధ వాతావ‌ర‌ణం క‌నిపిస్తుంది! మేము జాన్ ని సూపర్ స్లిక్ అవతార్ లో ప్రదర్శిస్తున్నామ‌ని కూడా తెలిపారు.

స్టార్ల‌ ఫస్ట్ లుక్ లు పఠాన్ ప్రపంచంలోకి ప్రజలను టీజ్ చేస్తున్నాయ‌ని దర్శకుడు అన్నారు. SRK- దీపికా పదుకొణె -జాన్ ల ఫస్ట్ లుక్ లు ప్రేక్షకులు సినిమాను వీక్షించాలని కోరుకునేలా చేస్తున్నాయి. ప్రజలు ఇప్పుడు పఠాన్ ప్రపంచాన్ని తెలుసుకున్నారు. ఇప్ప‌టివ‌ర‌కూ మీకు తెలిసింది నిజానికి మంచుకొండ కొన మాత్రమే.. మీ మార్గంలోకి దూసుకొచ్చే యాక్షన్ దృశ్యాలు ఊహించ‌నివిగా ఉంటాయి! అంటూ సిద్ధార్థ్ ఆనంద్ హైప్ ని పెంచే ప్ర‌య‌త్నం చేశారు. వార్ లాంటి భారీ యాక్ష‌న్ సినిమా త‌ర్వాత ప‌ఠాన్ లాంటి అతి భారీ యాక్ష‌న్ సినిమాని అత‌డు తెర‌కెక్కిస్తుండ‌డంతో స‌ర్వ‌త్రా ఉత్కంఠ నెల‌కొంది.