స‌ల్మాన్ - అక్ష‌య్ ల‌పై కింగ్ ఖాన్ కామెంట్లు

ఒక‌ప్పుడు క‌లిసి న‌టించిన స‌ల్మాన్ - షారూఖ్ న‌డుమ విభేధాలు గొడ‌వ‌ల గురించి తెలిసిందే. ఆ ఇద్ద‌రూ విడిపోయి చాలా కాలానికి మ‌ళ్లీ అమీర్ ఖాన్ మ‌ధ్య‌వ‌ర్తిత్వంతో క‌లిసిపోయారు. ఇటీవ‌ల ఒక‌రికోసం ఒక‌రు అన్న‌ట్టుగా భాయ్ .. షారూక్ చాలా చేస్తున్నారు. ఇవ‌న్నీ నిరంత‌రం అభిమానుల్లో హాట్ టాపిక్ గా మారుతున్నాయి. తాజా చాటింగ్ సెష‌న్ ఓ సల్మాన్ ఖాన్ - అక్షయ్ కుమార్ లతో తనకున్న సంబంధాన్ని షారుక్ ఖాన్ సోషల్ మీడియాలో ఓపెనయ్యాడు.
ఆ ఇద్ద‌రితో ఆఫ్ ద స్క్రీన్ స్నేహం గురించి మాట్లాడాడు. సల్మాన్ ఖాన్ ను ఒక మాటలో వివరించాడు.

తనదైన‌ చమత్కారం హాస్య చ‌తుర‌త‌తో ఆక‌ట్టుకునే షారుఖ్ ఖాన్ ఇటీవల త‌న పుట్టిన‌రోజు వేడుక‌ల‌ను జ‌రుపుకున్నారు. ఇది అభిమానుల్లో పెద్ద పండుగ లాంటిది. సూపర్ స్టార్ తన పుట్టినరోజు వేడుకలను ప్రారంభించడానికి ముంబైలోని తన నివాసం మ‌న్న‌త్ వెలుపల అర్ధరాత్రి అభిమానులను కలుసుకున్నప్పుడు అతను వారితో సంభాషించాడు. ఖాన్ తన చిత్రం పఠాన్ గురించి.. అలానే అక్షయ్ కుమార్ .. సల్మాన్ ఖాన్ వంటి పరిశ్రమలోని తన సహోద్యోగులతో తన బంధం గురించి అనేక విషయాలను మాట్లాడాడు. షారుఖ్ ఇటీవల తన సోషల్ మీడియాలో #AskSRK సెషన్ ను నిర్వహించాడు. ఈ వేదిక‌పై అభిమానుల నుండి ప్రశ్నల వర్షం కురిసింది.

షారుఖ్ ఖాన్- సల్మాన్ ఖాన్ ల స్నేహబంధం ఎప్పుడూ చర్చనీయాంశమైంది. వారి బంధం చుట్టూ అనేక ఊహాగానాలు ఎల్లప్పుడూ మీడియా దృష్టిని ఆకర్షించాయి. అయితే ఇప్పుడు ఆ ఇద్ద‌రూ YRF నిర్మించ‌నున్న‌ గూఢచారి వెంచర్లలో ప్రత్యేక అతిధి పాత్ర‌ల్లో న‌టిస్తున్నారు. #AskSRK సెషన్ లో ఒక అభిమాని సల్మాన్ ని ఒక్క మాటలో వివరించమని SRKని అడిగాడు. సూపర్ స్టార్ కొంచెం ఎక్కువగా మాట్లాడినా కానీ అతని సమాధానం సముచితంగా ఉంది. అతను సల్మాన్ ను `భాయ్` అని పిలుస్తాడని ప్రస్తావిస్తూ...``అద్భుతం .. చాలా దయగలవాడు (పదాలకు క్షమించండి) కానీ భాయ్ హై నా`` అని అన్నాడు.

ఇంతలో మరొక సోషల్ మీడియా వినియోగదారుడు అక్షయ్ కుమార్ గురించి SRKని ప్రశ్నించాడు. నా ఫేవ‌రెట్ స్టార్.. అలాగే నా ప్రేరణ అక్షయ్ కుమార్ గురించి చెప్పండి..? అనే ప్రశ్నకు ప్రతిస్పందిస్తూ, ``అక్కీ చాలా సంవత్సరాలుగా అద్భుతమైన స్నేహితుడు.. కోర్ కోసం కష్టపడి పనిచేస్తున్నాడు`` అని తెలిపాడు. షారూఖ్ ఖాన్ - అక్షయ్ కుమార్ దిల్ తో పాగల్ హై చిత్రం కోసం కలిసి పనిచేశారు. ఈ చిత్రంలో తరువాత వారు అతిధి పాత్ర‌ల‌తో ఒక‌రికొక‌రు సాయ‌ప‌డ్డారు. మరోవైపు అక్షయ్ - SRK హే బేబీ.. ఓం శాంతి ఓం వంటి చిత్రాల‌కు స‌హ‌కారం అందించారు. ఒకరి చిత్రాలలో మరొకరు ఆసక్తికరమైన అతిధి పాత్రలు చేసారు.

కెరీర్ మ్యాట‌ర్ కి వస్తే.. షారుఖ్ ఖాన్ తదుపరి పఠాన్ లో కనిపిస్తాడు. పుట్టినరోజున ఆవిష్కరించిన టీజ‌ర్ ఆక‌ట్టుకుంది. ఈ చిత్రం 25 జనవరి 2023న విడుదల కానుంది. అంతేకాకుండా సూపర్ స్టార్ అట్లీ పాన్ ఇండియా చిత్రం జవాన్..రాజ్ కుమార్ సంతోషి `డుంకీ` చిత్రీక‌ర‌ణ ద‌శ‌లో ఉన్నాయి.