అడ్వాన్స్ బుకింగ్ తోనే పఠాన్ వండర్స్

బాలీవుడ్ బాద్ షా షారుఖ్ ఖాన్ చాలా గ్యాప్ తర్వాత ప్రస్తుతం సిద్ధార్ద్ ఆనంద్ దర్శకత్వంలో పఠాన్ మూవీతో ప్రేక్షకుల ముందుకి రావడానికి రెడీ అవుతున్నాడు. భారీ బడ్జెట్ తో యష్ రాజ్ ఫిలిమ్స్ ఈ సినిమాని యాక్షన్ థ్రిల్లర్ గా నిర్మించింది. సిద్దార్ద్ ఆనంద్ దర్శకత్వంలో తెరకెక్కిన ఈ సినిమా ట్రైలర్ ఇప్పటికే రిలీజ్ సినిమా మీద భారీ అంచనాలు క్రియేట్ చేసింది. షారుఖ్ ఖాన్ నుంచి చాలా గ్యాప్ తర్వాత రాబోతున్న సినిమా కావడంతో బాద్ షా ఫ్యాన్స్ చాలా ఆసక్తిగా ఎదురుచూస్తున్నారు.

ఇక ఈ మూవీ ట్రైలర్ బట్టి స్టొరీ లైన్ కూడా పవర్ ఫుల్ గా ఉండబోతుందని అర్ధమవుతుంది. ఇందులో షారుఖ్ ఖాన్ సీక్రెట్ ఏజెంట్ గా కనిపించబోతున్నాడని అర్ధమవుతుంది. ఇక జాన్ అబ్రహం పవర్ ఫుల్ మాఫియా లీడర్ గా కనిపిస్తున్నాడు. దీపికా పదుకునే కూడా పవర్ ఫుల్ కాప్ రోల్ లోనే కనిపిస్తుంది. ఆమెకి కూడా ఈ మూవీ యాక్షన్ ఘట్టాలు ఉంటాయని తెలుస్తుంది.

ఇక ఇండియన్ సిల్వర్ స్క్రీన్ పై సక్సెస్ ఫుల్ ఫార్ములా అయిన దొంగ, పోలీస్ కాన్సెప్ట్ తో సినిమా తెరకెక్కడంతో కచ్చితంగా మూవీ హిట్ అవుతుందనే నమ్మకం అందరిలో ఉంది. అలాగే చాలా రోజులుగా గడ్డు పరిస్థితులని ఎదుర్కొంటున్న బాలీవుడ్ కి పఠాన్ మరల ఊపిరి పోస్తుందని అందరూ భావిస్తున్నారు. అయితే సినిమాపై ఒక వర్గం నుంచి నెగిటివ్ ప్రచారం జరుగుతంది. బ్యాన్ పఠాన్ అంటూ సోషల్ మీడియాలో ట్రెండ్ చేస్తున్నారు. ఈ ఇబ్బందులని అధికమిస్తూ పఠాన్ మూవీ ఓవర్సీస్ లో ఏకంగా పది రోజులకి అడ్వాన్స్ బుకింగ్స్ జరిగిపోయాయి.

ఈ అడ్వాన్స్ బుకింగ్ ద్వారానే సినిమాకి యూఎస్ లో 26 లక్షల డాలర్స్ కలెక్షన్స్ వచ్చాయి. అలాగే జర్మనీలో 14 లక్షల డాలర్స్ బుకింగ్ ద్వారా వచ్చాయి, ఇక ఆస్ట్రేలియాలో 7 లక్షల డాలర్స్ బుకింగ్ ద్వారా కలెక్ట్ చేసినట్లు తెలుస్తుంది. ఓ విధంగా పదిరోజులకి అడ్వాన్స్ బుకింగ్ కావడం అంటే నిజంగా రికార్డ్ అని చెప్పాలి.