రామ్ చరణ్ తో కలిసి థియేటర్ కు షారుక్?

చాలా కాలం పాటు సినిమాలకు దూరంగా ఉన్న షారుక్ ఖాన్ మధ్యలో కొన్ని సినిమాలలో అతిథి పాత్రలు చేశారు. కానీ హీరోగా పూర్తిస్థాయి సినిమా మాత్రం చేయలేదు. ఆయన హీరోగా నటిస్తున్న తాజా చిత్రం పఠాన్ ప్రేక్షకుల ముందుకు వచ్చేందుకు సర్వం సిద్ధమైంది. హిందీ సహా తమిళ, తెలుగు భాషల్లో ఈ సినిమా జనవరి 25వ తేదీన ప్రపంచవ్యాప్తంగా భారీ ఎత్తున విడుదలవుతోంది.

ఈ సినిమాలో షారుఖ్ ఖాన్ సరసన దీపికా పడుకొనే హీరోయిన్ గా నటిస్తుండగా... జాన్ అబ్రహం అనే మరో బాలీవుడ్ హీరో కీలకపాత్రలో నటిస్తున్నాడు. ఈ సినిమా హిందీ, తెలుగు, తమిళ భాషల్లో విడుదలవుతున్న నేపథ్యంలో షారుక్ ఖాన్ ఒక ట్విట్టర్ చాట్ సెషన్ నిర్వహించాడు.ఈ సందర్భంగా సినిమా విడుదలవుతున్న రోజు తెలుగు రాష్ట్రాలలో ఏదైనా థియేటర్ను సందర్శించే అవకాశం ఉందా అని అడిగితే షారుక్ ఖాన్ దానికి ఆసక్తికరంగా సమాధానం ఇచ్చారు. వాటిలో రాంచరణ్ కనుక నన్ను ఏదైనా థియేటర్ కి తీసుకువెళ్తే అప్పుడు నేను థియేటర్లను సందర్శిస్తానని పేర్కొన్నారు.

దీంతో ఇప్పుడు అభిమానులందరూ రామ్ చరణ్ ఎలాంటి సమాధానం ఇస్తారు అని ఆసక్తికరమైన ఎదురుచూస్తున్నారు. ఒకవేళ రామ్ చరణ్ నిజంగానే షారుక్ ను తీసుకుని ఏదైనా తెలుగు థియేటర్ కు వెళితే అది మరింత ఆసక్తికరంగా మారుతుంది అనడంలో ఏమాత్రం సందేహం లేదు. వాస్తవానికి రామ్ చరణ్ తేజ్ ఈ సినిమాని తెలుగులో ప్రమోట్ చేస్తున్నారు. ఈ సినిమా తెలుగు ట్రైలర్ ని జనవరి 10వ తేదీన విడుదల చేయడమే కాక షారుక్ ఖాన్ కి సైతం ఆల్ ది బెస్ట్ చెప్పారు.

ఆ తర్వాత షారుక్ ఖాన్ కూడా రామ్ చరణ్ ట్వీట్ కి స్పందించడంతో వీరిద్దరి మధ్య ఉన్న అనుబంధం గురించి పెద్ద ఎత్తున చర్చ జరిగింది. ఇక రామ్ చరణ్ ప్రస్తుతం శంకర్ దర్శకత్వంలో ఒక సినిమా చేస్తున్న సంగతి తెలిసిందే ఈ సినిమాని ఫ్యాన్ ఇండియా లెవెల్లో రిలీజ్ చేసేందుకు ప్రణాళికలు సిద్ధం చేస్తున్నారు.