వైరల్‌ పిక్‌ : ఈ వయసులో ఇలా.. మీకో దండం బాబోయ్‌!

బాలీవుడ్ సూపర్ స్టార్ షారుక్ ఖాన్ గత దశాబ్ద కాలంగా సక్సెస్ అనే మాట వినలేదు. ఆయన చేసిన సినిమాలు బాక్సాఫీస్ వద్ద బోల్తా పడుతూ వచ్చాయి. అయినా కూడా ఆయన స్టార్డమ్ ఏమాత్రం తగ్గలేదు అని మరోసారి నిరూపితమైంది. ప్రస్తుతం పటాన్‌ అనే సినిమాలో నటిస్తున్న విషయం తెలిసిందే. జీరో సినిమా తర్వాత ఆయన నటిస్తున్న సినిమా కావడంతో అంచనాలు ఆకాశాన్ని తాకేలా ఉన్నాయి.

జీరో సినిమా అట్టర్ ప్లాప్‌ అవ్వడంతో అంతా కూడా ఈ సినిమా పై దృష్టి పెట్టారు. కనుక సినిమా పై ఇండస్ట్రీ వర్గాల్లో అంచనాలు ఆకాశాన్ని తాకేలా ఉన్నాయి. సాధారణంగా జీరో సినిమా ఫ్లాప్ అవ్వడంతో తదుపరి సినిమాకు ఏ మాత్రం క్రేజ్ ఉండకూడదు. కానీ షారుఖ్‌ చాలా గ్యాప్ తీసుకొని  ఈ సినిమా చేయడం వల్ల అంచనాలు భారీగా ఉన్నాయి.

అంచనాలకు ఏమాత్రం తగ్గకుండా దర్శకుడు సిద్దార్థ్‌ ఆనంద్‌ ఈ సినిమా ను భారీ కమర్షియల్ సినిమా గా రూపొందించే పనిలో ఉన్నారు. ప్రతి ఒక్క అభిమాని తో పాటు ప్రతి ఒక్క సినీ ప్రేమికుడిని మరియు ఇండస్ట్రీ వర్గాల వారిని కూడా ఈ సినిమా ఆకట్టుకునే విధంగా కమర్షియల్ ఎలిమెంట్స్ తో  తెరకెక్కిస్తున్నాడు అంటూ వార్తలు వస్తున్నాయి.

 బాలీవుడ్తో పాటు సౌత్ లో కూడా ఈ సినిమాను అత్యధికంగా విడుదల చేసేందుకు ఏర్పాట్లు జరుగుతున్నాయి. షారుఖ్‌ రికార్డు వసూళ్లు దక్కించుకుని చాలా కాలమైంది. అందుకే ఈ సినిమా రికార్డులను దక్కించుకుంటుంది అంటూ ప్రతి ఒక్కరు నమ్మకం వ్యక్తం చేస్తున్నారు. సినిమా షూటింగ్‌ మొదలు అయినప్పటి నుండి  ఇప్పటి వరకు అనేక ఊహాగానాలు వస్తూనే ఉన్నాయి.

దాదాపు రెండు సంవత్సరాలుగా ఈ సినిమా వాయిదాలు పడుతూ వస్తుంది. ఈ సినిమాను వచ్చే ఏడాది జనవరిలో విడుదల చేస్తామంటూ అధికారికంగా ప్రకటించారు. సినిమాకు సంబంధించిన ఎలాంటి అప్డేట్ ఇప్పటి వరకు విడుదల కాలేదు. కాని తాజాగా లీక్ అయిన ఈ ఫోటో సోషల్‌ మీడియాలో వైరల్‌ అవుతోంది. ఈయన వయసు 55 ఏళ్ళు దాటింది. అయినా కూడా ఈ స్థాయిలో బాడీ బిల్డప్‌ చేయడం అంటే మామూలు విషయం కాదు.

సాధారణంగా అయితే 30 ఏళ్లు 40 ఏళ్లకే ఇంకా అంతా అయిపోయింది అనుకునే వాళ్ళు ఉన్నారు. ఇలాంటివి 60 ఏళ్ళు దగ్గర పడుతున్న కూడా సిక్స్ ప్యాక్ ట్రై చేయడం అంటే మామూలు విషయం కాదు. సినిమా కోసం ఆయన ఏ రేంజిలో కష్టపడతాడో దీన్ని బట్టి అర్థమవుతోంది. నీ కమిట్‌మెంట్‌ కు దండం బాబు అంటూ అభిమానులు ప్రశంసలు కురిపిస్తున్నారు.