ట్రెండీ టాక్: శ‌ర్వా పిల‌క‌ముడి!

శ‌ర్వాలో ఏదో తెలియ‌ని మార్పు క‌నిపిస్తోంది. అత‌డి గెట‌ప్ ప‌రంగా మార్పు అనూహ్యంగా క‌నిపిస్తోంది. నేటి సాయంత్రం(సోమ‌వారం) ప‌డి పడి లేచే మ‌న‌సు ప్రీరిలీజ్ ఈవెంట్‌లో అత‌డు పిల‌క ముడి వేసి డాన్‌లాగా కొత్త‌గా క‌నిపించాడు. అస‌లు శ‌ర్వా ఈ గెట‌ప్ ఏంటి? అంటూ ఆస‌క్తిగా మాట్లాడుకున్నారంతా. అటు గ్యాల‌రీలో ఉన్న బ‌న్ని అభిమానులు, ప్ర‌భాస్ అభిమానులు, ప‌వ‌న్ క‌ల్యాణ్ అభిమానులు సైతం ఈ కొత్త లుక్ ఏంటో అర్థం కాలేదంటూ దీనిపై ఆస‌క్తిగానే చ‌ర్చించుకున్నారు. శ‌ర్వాలో ఎందుకింత మార్పు? పూర్తి వైవిధ్యంగా క‌నిపిస్తున్నాడు? అంటూ మాట్లాడుకున్నారు.

అయితే శ‌ర్వా ఇలా మార‌డానికి కార‌ణం అత‌డు న‌టిస్తున్న త‌దుప‌రి చిత్ర‌మేన‌ని అర్థ‌మ‌వుతోంది. శ‌ర్వానంద్ ప్ర‌స్తుతం సుధీర్ అనే యువ‌ద‌ర్శ‌కుడి సినిమాలో న‌టిస్తున్నాడు. అందులో రెండు విభిన్న‌మైన పాత్ర‌ల్లో క‌నిపించ‌నున్నాడు. ఒక పాత్ర మాఫియా డాన్ పాత్ర‌. ఆ రోల్ కోస‌మే గిర‌జాల జుత్తు పెంచి, దానికి పిల‌క‌ముడి వేశాడ‌ని అర్థ‌మైంది. ప‌డి ప‌డి లేచే మ‌న‌సు వేదిక ఆద్యంతం శ‌ర్వా పిల‌క‌ముడి గురించే హాట్ టాపిక్ న‌డిచింది.

ఒక‌సారి పిల‌క‌ముడి హిస్ట‌రీలోకి వెళితే... చ‌ర‌ణ్, బ‌న్ని, రానా, నితిన్ త‌ర్వాత మ‌ళ్లీ శ‌ర్వానే ఇలా పిలక ముడి వేసి ఆక‌ర్షించాడు. డీజేలో బ‌న్ని వేశాడు.. మ‌గ‌ధీర‌లో చ‌ర‌ణ్ వేశాడు.. మ‌హాన‌టి ద‌ర్శ‌కుడు పిల‌క‌ముడి వేశారు.. ఇంకా చాలామంది పిల‌క‌ముడి వేశారు.. మొన్న జేఆర్‌సీ సెంట‌ర్‌లో జ‌రిగిన‌ కె.జి.ఎఫ్ ప్రీరిలీజ్‌ వేడుక‌లో ఓ ముగ్గురు టెక్నీషియ‌న్లు పిల‌క‌ముడితో మైమ‌రిపించారు... అస‌లు ఈ పిల‌క‌ముడుల క‌థేంటో కానీ ఇటీవ‌ల ఈ లుక్ మ‌రోసారి వాడి వేడిగా చర్చ‌ల్లోకొస్తోంది.