అంతర్వేది లో స్వామి వద్దకు శర్వా.. రష్మిక

యంగ్‌ హీరో శర్వానంద్‌.. స్టార్‌ హీరోయిన్ రష్మిక మందన్నాలు అంతర్వేది లక్ష్మీ నరసింహస్వామి వారి సన్నిదిలో సందడి చేశారు. స్వామి వారిని సందర్శించిన వీరిద్దరు ఆ తర్వాత వేద పండితుల చేతుల మీదుగా ఆశీర్వాదాలు అందుకుని తీర్థ ప్రసాదాలు పుచ్చుకున్నారు. స్వామి వారికి ప్రత్యేక పూజలు నిర్వహించిన వీరు అంతర్వేది దేవాలయం యొక్క ప్రత్యేకతలు.. స్వామి వారి యొక్క విషిష్టతను అడిగి తెలుసుకున్నారట. గత కొన్ని రోజులుగా వీరిద్దరు కలిసి నటిస్తున్న ఆడవాళ్లు మీకు జోహార్లు సినిమా చిత్రీకరణ అంతర్వేది ఆ చుట్టు పక్కల ప్రాంతాల్లో జరిగింది. అక్కడి షెడ్యూల్‌ ముగింపు దశకు వచ్చిన నేపథ్యంలో చిత్ర యూనిట్‌ సభ్యులు అంతా కలిసి అంతర్వేది స్వామి వారిని దర్శించుకున్నట్లుగా తెలుస్తోంది.

కిషోర్‌ తిరుమల దర్శకత్వంలో రూపొందుతున్న ఈ రొమాంటిక్ డ్రామాకు సంబంధించిన చిత్రీకరణ ముగింపు దశకు వచ్చింది. వచ్చే నెలలో చిత్రీకరణ కు గుమ్మడి కాయ కొట్టబోతున్నట్లుగా కూడా సమాచారం అందుతోంది. ఇప్పటి వరకు కిషోర్ తిరుమల దర్శకత్వంలో వచ్చిన సినిమాలన్నీ కూడా మంచి టాక్ ను దక్కించుకుని యంగ్‌ అండ్ ఫ్యామిలీ ఆడియన్స్ ను మెప్పించాయి. ఈ సినిమా కూడా తప్పకుండా కిషోర్‌ తిరుమల గత చిత్రాల మాదిరిగానే ఆకట్టుకునే విధంగా ఉంటుందనే నమ్మకంను ఇండస్ట్రీ వర్గాల వారు మరియు ప్రేక్షకులు వ్యక్తం చేస్తున్నారు. ఆ నమ్మకం నిలబెట్టుకునేలా దర్శకుడు సినిమాను ప్రతిష్టాత్మకంగా తీసుకుని తెరకెక్కిస్తున్నాడు. చిత్రం విడుదల తేదీ విషయంలో త్వరలోనే ఒక స్పష్టత ఇచ్చే అవకాశాలు ఉన్నాయని మీడియా వర్గాల ద్వారా సమాచారం అందుతోంది.

ఈమద్య కాలంలో శర్వానంద్ కు కాలం కలిసి రావడం లేదు. ఇటీవల కూడా ఆయన మహా సముద్రం సినిమా తో ప్రేక్షకుల ముందుకు వచ్చి నిరాశ పర్చాడు. శర్వా సక్సెస్ కొట్టక కొన్ని ఏళ్లు అవుతుంది. మరో వైపు వరుస సక్సెస్‌ లతో రష్మిక జోరు మీదుంది. ఆమె లక్‌ కలిసి వచ్చి శర్వానంద్ కు సక్సెస్ పడేనా అనేది చూడాలి. భారీ అంచనాల నడుమ రూపొందుతున్న ఆడవాళ్లు మీకు జోహార్లు టైటిల్ తోనే ఫ్యామిలీ ఆడియన్స్ ను ఆకర్షిస్తున్న ఈ సినిమా ఎలా ఉంటుందో చూడాలంటే మరి కొన్నాళ్లు వెయిట్‌ చేయాల్సిందే.