శ‌ర్వానంద్‌ ఆశ‌ల‌న్నీ ఆ ఆడ‌వాళ్లపైనే

యంగ్ హీరో శ‌ర్వానంద్ హిట్టు అనే మాట విని చాలా కాల‌మే అవుతోంది. ప‌ట్టువ‌ద‌ల‌ని విక్ర‌మార్కుడిలా విభిన్నమైన చిత్రాల్లో న‌టిస్తున్నా అవేవీ త‌న‌కు విజ‌యాల్ని అందించ‌డం లేదు. దాదాపు నాలుగేళ్ల‌కు మించి సక్సెస్ కోసం ఎద‌రుచూస్తున్నారు. `మ‌హాను భావుడు` స‌క్సెస్ త‌రువాత ఇప్ప‌టికీ శ‌ర్వానంద్ గ‌త నాలుగేళ్లుగా ఐదు చిత్రాల్లో న‌టించాడు. అందులో ఏ సినిమా హిట్టివ్వ‌లేక‌పోయింది. సాయి ప‌ల్ల‌వితో చేసిన `ప‌డి ప‌డి లేచే మ‌న‌సు`..కాజ‌ల్ తో చేసిన ర‌ణ‌రంగం, త‌మిళ సూప‌ర్ హిట్ ఫిల్మ్ `96` ఆధారంగా దిల్ రాజు నిర్మించిన `జాను`.. శ్రీ‌కారం... భారీ ఆశ‌లు పెట్టుకున్న మల్టీస్టార‌ర్ `మ‌హా స‌ముద్రం` శ‌ర్వాకు చేదు అనుభ‌వాన్నే మిగిల్చాయి.

దీంతో ఈ సారి ఎలాగైనా సూప‌ర్ హిట్ ని త‌న ఖాతాలో వేసుకోవాల‌ని ప‌ట్టుద‌ల‌తో వున్నారు శ‌ర్వా. ఆయ‌న న‌టిస్తున్న తాజా చిత్రం `ఆడ‌వాళ్లు మీకు జోహార్లు`. కిషోర్ తిరుమ‌ల ఈ చిత్రానికి ద‌ర్శ‌క‌త్వం వ‌హిస్తున్నారు. శ్రీ ల‌క్ష్మీ వెంక‌టేశ్వ‌ర సినిమాస్ బ్యాన‌ర్ పై సుధాక‌ర్ చెరుకూరి ఈ మూవీని నిర్మిస్తున్నారు. ల‌క్కీ ఛార్మ్ ర‌ష్మిక మంద‌న్న హీరోయిన్ గా న‌టిస్తున్న ఈ మూవీలో వెట‌ర‌న్ హీరోయిన్ లు ఖుష్బూ - రాధికా శ‌ర‌త్ కుమార్ - ఊర్వ‌శీ కీల‌క పాత్ర‌ల్లో న‌టిస్తున్నారు.

ఇత‌ర ప్ర‌ధాన పాత్ర‌ల్లో వెన్నెల కిషోర్ - ర‌విశంక‌ర్ - ప్ర‌దీప్ రావ‌త్ - బెన‌ర్జీ - గోప‌రాజు ర‌మ‌ణ - క‌ల్యాణి న‌ట‌రాజ‌న్ - రాజ‌శ్రీ నాయ‌ర్ - ఝాన్సీ - స‌త్య - స‌త్య కృష్ణ‌న్ ఇత‌ర ప్ర‌ధాన పాత్ర‌ల్లో న‌టిస్తున్నారు. ఈ మూవీతో ఎలాగైనా విక్ట‌రీని త‌న ఖాతాలో వేసుకోవాల‌ని శ‌ర్వానంద్ చాలా శ్ర‌మిస్తున్నారు. టైటిల్ సాంగ్ షూట్ కోసం ఉద‌యం 10 గంట‌ల నుంచి రాత్రి 2 గంట‌ల వ‌ర‌కు ఏక ధాటిగా షూటింగ్ చేశారంటే ఈ సినిమా పై శ‌ర్వా ఎంత న‌మ్మ‌కంగా వున్నారో అర్థం చేసుకోవ‌చ్చు.

అంతే కాకుండా ఈ చిత్రానికి ద‌ర్శ‌క‌త్వం వ‌హిస్తున్నకిషోర్ తిరుమ‌ల సెంటిమెంట్ ప్ర‌కారం శ‌ర్వాకు ఈ సినిమా బిగ్ హిట్ ఇవ్వ‌డం గ్యారంటీ అంటున్నాయి ఇండ‌స్ట్రీ వ‌ర్గాలు. కిషోర్ తిరుమ‌ల తొల‌సారి ఏ హీరోతో చేస్తే ఆ సినిమా బిగ్ హిట్ అయింది. రామ్ తో తొలిసారి `నేను శైల‌జ‌` చేశారు అది పెద్ద హిట్ అయింది. హిట్ కోసం ఎదురుచూసిన సాయి ధ‌ర‌మ్ తేజ్ తో క‌లిసి `చిత్ర ల‌హ‌రి` చేశారు. దీంతో సాయి ధ‌ర‌మ్ తేజ్ మ‌ళ్లీ స‌క్సెస్ బాట ప‌ట్టారు.

ఇదే సెంటిమెంట్ శ‌ర్వానంద్ కు కూడా రిపీట్ అవుతుంద‌ని, `ఆడ‌వాళ్లు మీకు జోహార్లు` చిత్రం శ‌ర్వా కు బిగ్ హిట్ ని అందిస్తుంద‌ని చెబుతున్నారు. ఇప్ప‌టికే విడుద‌లైన ఈ మూవీ టైటిల్ సాంగ్ విశేషంగా ఆక‌ట్టుకుంటోంది. శ్రీ‌మ‌ణి సాహిత్యాన్ని అందించ‌గా దేవి శ్రీ‌ప్ర‌సాద్ స్వ‌రాలు స‌మ‌కూర్చ‌డ‌మే కాకుండా ఆయ‌నే పాడారు. ఈ మూవీని ఈ నెల 25న వ‌ర‌ల్డ్ వైడ్ గా రిలీజ్ చేయ‌బోతున్నారు. మ‌రి కిషోర్ తిరుమ‌ల సెంటిమెంట్ ప్ర‌కారం శ‌ర్వాకు ఈ మూవీ స‌క్సెస్ ని అందిస్తుందా? అన్న‌ది తెలియాలంటే ఈ నెల 25 వ‌ర‌కు వేచి చూడాల్సిందే.