శ‌ర్వాని ఆడ‌వాళ్లు లేపి జోహార్లు కొట్టించాలి మ‌రి!

యంగ్ హీరో శ‌ర్వానంద్ కి కొన్నాళ్ల‌గా స‌రైన స‌క్సెస్ ప‌డలేదు. `మ‌హానుభావుడు` త‌ర్వాత న‌టించిన సినిమాల‌న్నీ శ‌ర్వా కెరీర్ కి ఆశాజ‌న‌కంగా లేవు. బాక్సాఫీస్ వ‌ద్ద యావ‌రేజ్ గానే రాణించాయి. కానీ ఇప్పుడు స‌క్సెస్ అనివార్యం. స‌రైన హిట్ ప‌డితేనే శ‌ర్వా ట్రాక్ లోకి వ‌చ్చేది. ప్ర‌స్తుతం శ‌ర్వానంద్ చేతిలో రెండు సినిమాలున్నాయి. అందులో ఒక‌టి `ఒకే ఒక్క జీవితం`.

తెలుగు..త‌మిళ్ లో ఈ చిత్రాన్ని తెర‌కెక్కిస్తున్నారు. కోలీవుడ్ `కాన‌మ్` టైటిల్ తో రిలీజ్ అవుతుంది. ఇది పూర్తిగా సైన్స్ ఫిక్ష‌న్ స్టోరీ. శ్రీకార్తీక్ తెరకెక్కిస్తున్నారు. చిత్రీక‌ర‌ణ పూర్తిచేసుకున్న ఈ సినిమా పోస్ట్ ప్రొడ‌క్ష‌న్ లో ఉంది.

మ‌రోవైపు కిషోర్ తిరుమ‌ల ద‌ర్శ‌క‌త్వంలో `ఆడ‌వాళ్లు మీకు జోహార్లు`లో న‌టిస్తున్నాడు. ఇందులో ర‌ష్మిక మంద‌న్న హీరోయిన్. చిత్రీక‌ర‌ణ పూర్తిచేసుకున్న సినిమా నిర్మాణానంత‌ర ప‌నుల్లో ఉంది. ఫిబ్ర‌వ‌రి 25న చిత్రం రిలీజ్ కి రెడీ అవుతోంది. క‌మ‌ర్శియ‌ల్ స‌క్సెస్ కి అతి చేరువ‌లో ఉన్న సినిమా ఇది. దీంతో శ‌ర్వా ఆశ‌ల‌న్ని ఈ సినిమాపైనే క‌నిపిస్తున్నాయి.

పైగా కిషోర్ తిరుమ‌ల‌కు ఇప్ప‌టివ‌ర‌కూ వైఫ‌ల్యం లేదు. గ‌తంలో ఆయ‌న తెర‌కెక్కించిన రెండు చిత్రాలు `నేను శైల‌జ‌`.. `చిత్ర ల‌హ‌రి` మంచి విజ‌యాలు సాధించిన సంగ‌తి తెలిసిందే. `నేను శైలజ` కి ముందు రామ్ కి స‌రైన సక్సెస్ లేవు. శైల‌జ స‌క్సెస్ రామ్ ని ఫామ్ లో కి తెచ్చింది.

అలాగే `చిత్ర‌ల‌హ‌రి` రిలీజ్ కి ముందు సాయితేజ్ వ‌రుస ప్లాప్ ల్లో ఉన్నాడు. `చిత్ర‌ల‌హ‌రి` విజ‌యంతోనే మ‌ళ్లీ వేగం పుంజుకున్నాడు. ఆ ర‌కంగా ఇద్ద‌రి హీరోల పాలిట కిషోర్ ల‌క్కీ ఛామ్ గా మారాడు. ఇప్పుడు అదే సెంటిమెంట్ శర్వానంద్ ని బ‌య‌ట‌కు తీసుకురావాలి.

శ‌ర్వా న‌టించిన గ‌త సినిమాలు `మ‌హాస‌ముద్రం`..`శ్రీకారం`..`జాను`..`ర‌ణ‌రంగం`..`ప‌డిప‌డి లేచే మ‌న‌సు` ఆశించిన ఫ‌లితాలు సాధించ‌లేదు. దీంతో శ‌ర్వా రేసులో వెనుక‌బ‌డ‌టంతో స‌క్సెస్ కీల‌కంగా మారింది. ఫిబ్ర‌వ‌రి 25న రిలీజ్ అవుతోన్న `ఆడ‌వాళ్లు మీకు జోహార్లు` గ‌నుక మంచి స‌క్సెస్ అయితే శ‌ర్వా ట్రాక్ లోకి వ‌చ్చే అవ‌కాశం ఉంది.