ఆర్మీ ఆఫీసర్ గా కనిపించబోతున్నాడు

ప్రస్తుతం టాలీవుడ్ లో యువ హీరోలు సినిమా సినిమాకు చాలా కొత్తగా కనిపిస్తున్నారు. గత సినిమాలకు ఏ మాత్రం దగ్గరగా ఉండకుండా క్యారెక్టర్ లో కొత్తదనాన్ని చూపించేందుకు ఇష్టపడుతున్నారు. ఒక వేళ సినిమా రిజల్ట్ లో తేడా వచ్చినా నటనలో మంచి ప్రయత్నం చేశాడు అనే ఒక మార్క్ కామెంట్ ఉండి పోతుంది. ఆ విధంగా అలోచించి కథలను ఒకే చేస్తున్నారట. ఆ తరహాలో చేసి ప్రస్తుతం మంచి హిట్ అందుకుంటున్న వారిలో శర్వానంద్ ఒకడు.

ఈ ఫెస్టివల్ హీరో ఈ ఏడాది మూడు సినిమాలను చేశాడు. అందులో ఎంత డిఫెరెంట్ గా కనిపించాడో అర్ధమవుతుంది. ఇక ప్రస్తుతం హను రాఘవపూడి దర్శకత్వంలో ఒక సినిమాను చేయడానికి రెడీగా ఉన్న సంగతి తెలిసిందే. అయితే అందులో శర్వా ఆర్మీ ఆఫీసర్ గా కనిపించబోతున్నాడట. సెకండ్ హాఫ్ లో ఆర్మీ యాక్షన్ సీన్స్ చాలా కొత్తగా ఉంటాయని చిత్ర యూనిట్ ద్వారా తెలుస్తోంది. ప్రస్తుతం అల్లు అర్జున్ నా పేరు సూర్యా సినిమాలో కూడా ఆర్మీ ఆఫీసర్ గా కనిపించబోతోన్న సంగతి తెలిసిందే.

ఇప్పుడు శర్వా కూడా పర్ఫెక్ట్ ఆర్మీ ఆఫీసర్ ఎలా ఉండాలో తెలుసుకొని అందుకు తగ్గ ఫిట్ నెస్ పై శ్రద్ధ వహిస్తున్నాడట.ఇక శర్వాకు జోడిగా ఫిదా బ్యూటీ సాయి పల్లవి రీసెంట్ గా ఫిక్స్ అయ్యింది. వీరి మధ్య వచ్చే రొమాంటిక్ సీన్స్ కూడా అందరిని ఆకట్టుకుంటాయని తెలుస్తోంది. రీసెంట్ గా లంచ్ అయినా ఈ సినిమా రెగ్యులర్ షూటింగ్ త్వరలోనే స్టార్ట్ కానుంది. నేపాల్ పరిసర ప్రాంతాల్లో ఒక షెడ్యూల్ ని అలాగే తెలుగు రాష్ట్రాల్లో మిగిలిన షెడ్యూల్స్ ని ఫినిష్ చేయనున్నారని సమాచారం.