ఈ శర్వానంద్‌ ధీమా ఏంటో మరి

ఇప్పటికే ప్రమోషన్ల పేరుతో అందరూ అదరగొట్టేస్తున్నారు. సంక్రాంతికి రానున్న డిక్టేటర్‌ - నాన్నకు ప్రేమతో - సోగ్గాడే చిన్ని నాయనా సినిమాలకు సంబంధించి ప్రమోషన్లు దంచేస్తున్నారు. అయితే వీళ్ళందరిలో ఎక్స్‌ ప్రెస్‌ రాజా సినిమాతో దూసుకొస్తున్న శర్వానంద్‌ మాత్రం ఎందుకో రేసులో వెనుకపడ్డాడనే డౌట్‌ వస్తోంది.

నిజానికి మనోడు రోజుకో పోస్టర్‌ రిలీజ్‌ చేస్తూ.. బాహుబలి సినిమా టైపులో క్యారెక్టర్లను ఇంట్రొడ్యూస్‌ చేయడం తప్పించి.. పెద్దగా చేస్తోంది ఏదీ లేదు. రోజు ట్వీట్లతో పోస్టర్లను రిలీజ్‌ చేస్తున్నారంతే. ఆడియో రిలీజ్‌ తరువాత ఇంతవరకు మరోసారి శర్వా.. మీడియా ముందుకొస్తే ఒట్లు. హీరోయిన్ సురభి కూడా ఎక్కడా కనిపించట్లేదు. ఇవాళే మేర్లపాక గాంధి మాత్రం బయటకొచ్చి ఇంటర్యూలు ఇచ్చాడు. ఏవండీ మాష్టారూ.. సినిమా రిలీజ్‌ కు నాలుగు రోజులే ఉంది.. జనాల ముందుకు రాకపోతే హైప్‌ ఎలా వస్తుంది బాసూ?

ఇకపోతే సినిమా ఔట్‌ పుట్‌ బాగా వచ్చింది కాబట్టి.. మనోడు ప్రమోషన్‌ చేయకపోయినా రిజల్టు అదిరిపోతుంది అనే ధీమాతో ఉన్నాడట. ఓస్‌.. అదా మీ ధైర్యం. లెటజ్‌ సీ.