ఎక్స్ ప్రెస్ లా వస్తున్నాడు రాజా

ఎవరా వచ్చేది.. ఎందుకొస్తున్నారు.. ఎవరిమీదకొస్తున్నారు లాంటి క్వశ్చన్స్ కి ఆన్సర్స్ మళ్లీ చెప్పుకుందాం కానీ... ఎక్స్ ప్రెస్ రాజా అనే టైటిల్ తో మన ముందుకొస్తున్నాడు శర్వానంద్. రన్ రాజా రన్, మళ్లీ మళ్లీ ఇది రాని రోజులతో రెండు వరుస హిట్స్ అందుకున్న శర్వా.. ఇప్పుడు రోడ్ జర్నీ స్టోరీలో నటించాడు. ఇందులో ఎక్స్ ప్రెస్ రాజా పక్కన బీరువాతో టాలీవుడ్ ఎంట్రీ ఇచ్చిన సురభి.. హీరోయిన్ గా నటిస్తోంది.

మూవీ షూటింగ్ కంప్లీట్ అయిపోయిందని.. రిలీజ్ కోసం ఆతృతగా ఎదురుచూస్తున్నానని ట్వీట్ చేసింది. ఈ ఎక్స్ ప్రెస్ రాజా టైటిల్ వెనుక ఓ చిన్న ప్లాష్ బ్యాక్ కూడా ఉందండోయ్. వెంకటాద్రి ఎక్స్ ప్రెస్ తీసిన డైరెక్టర్ గాంధీ.. ఈ మూవీకి డైరెక్టర్. అప్పట్లో రన్ రాజా రన్ తో శర్వానంద్ సక్సెస్ కొట్టినపుడు ఈ ప్రాజెక్ట్ ఫైనల్ చేశారు. వెంకటాద్రి ఎక్స్ ప్రెస్ లోంచి ఎక్స్ ప్రెస్ ని గాంధీ పట్టుకొస్తే... రన్ రాజా రన్ లోంచి రాజాని తెచ్చుకున్నాడు శర్వానంద్. అలా ఈ ఇద్దరి కాంబినేషన్ లో వచ్చే మూవీకి ఎక్స్ ప్రెస్ రాజా అనే టైటిల్ ఫిక్స్ అయింది అంటున్నారు టాలీవుడ్ జనాలు.

ఇందులో వాస్తవమెంతో తెలీదు కానీ.. రోడ్ జర్నీ స్టోరీ అని ముందే దర్శకుడు చెప్పేశాడు కాబట్టి.. రన్నింగ్ లు-కన్నింగ్ లు. ఛేజింగులు - ఫైటింగులు గట్రా ఉంటాయని ఎక్స్ పెక్ట్ చేయచ్చు. ఇలా పరుగులు పెట్టే కేరక్టర్ కాబట్టే ఎక్స్ ప్రెస్ రాజా అని సెట్ చేసుంటారు. ప్రస్తుతం పోస్ట్ ప్రొడక్షన్ పనులు స్టార్ట్ చేసుకున్న ఈ మూవీని కూడా.. రన్ రాజా రన్ ను నిర్మించిన యువి క్రియేషన్స్ బ్యానర్ పై తెరకెక్కించారు.